Jarasłaŭ Ramančuk pryznaŭsia, što prapanova pracavać va ŭradzie, jakaja nibyta pastupiła niezadoŭha da vybaraŭ, była «kačkaj», prydumanaj Anatolem Labiedźkam.
Jak pisali ŚMI,
Siońnia jon kaža, što ŭ toj momant prosta nie vytrymaŭ psichałahičnaj ataki i začytaŭ zahadzia napisanuju dla jaho papieru.
«Ja nie viedaŭ, chto spravakavaŭ, nie viedaŭ niejkija rečy, źviazanyja ź niejkimi scenarami. Heta prosta była reakcyja, asudžeńnie tych, chto nie zusim adekvatna pavioŭ siabie ŭ peŭnaj situacyi. Kali b maje pakazańni byli patrebnyja dla raspačynańnia kryminalnaj spravy, dla niejkaha terminu — tady heta ŭžo inšaja sprava», — skazaŭ Ramančuk u intervju «Salidarnasci».
Sa słovaŭ palityka, za siabie jon nie bajaŭsia. Dla jaho hałoŭnym było toje, što ŭ niebiaśpiecy niavinnyja ludzi, jakija mohuć paciarpieć ad taho, što jon budzie piarečyć uładam.
A potym «situacyja stała raźvivacca śniehavym kamiakom», i ŭžo ciažka razabracca, dzie realnaja pahroza, a dzie ŭjaŭnaja.
«Dla mianie samym kryŭdnym było, kali kazali, što mianie kupili. Maŭlaŭ, pakvapiŭsia na prapanovu pracavać va ŭradzie. Ale takoj prapanovy nikoli nie było. Heta mnie ŭ svoj čas Labiedźka prapanavaŭ zrabić taki pijar», — kaža Ramančuk.
Heta adbyłosia za tydzień da vybaraŭ, kali jon trapiŭ u aŭtamabilnuju avaryju. Tady Labiedźka i prapanavaŭ taki
Pa słovach Ramančuka, paśla zajavy, začytanaj na Biełaruskaim TV, ludzi ŭspomnili hety «pijar» i stali kazać, što jon «vyrašyŭ vysłužycca, što pryniaŭ niejkuju prapanovu ad uładaŭ».
Na samaj spravie ŭsio było razyhrana. «Nie viedaju, navošta heta zroblena? — kaža palityk. — Dośviedu ŭ takich situacyjach ŭ mianie vielmi mała».