Niadaŭna vybrany staršyniom staličnaj šachmatnaj federacyi pradprymalnik Piotar Hierasimovič pa-svojmu «raskručvaje» lubimuju hulniu. Uletku spansaravaŭ turnir dla veteranaŭ, a niadaŭna jamu zamanułasia ŭłahodzić pryhožy poł. Arhanizatar pieršaha turniru siarod žanočych klubnych kamand planavaŭ, što ŭ Miensk pryjeduć prynamsi siem-vosiem takich kamandaŭ; 19 listapada ŭ vestybiuli Pałacu šachmat ich sabrałasia… dźvie. «Nu što ž, zhulajcie mižsobku matč!» – źbiantežana paradziŭ Uładzimier Hinzburh, adkazny za klubnyja spabornictvy ŭ Biełaruskaj federacyi šachmat. Adnak hrand-damy – čempijonka Biełarusi Natala Papova, mižnarodny majstar Nasta Sarokina, jakaja nakoratka viarnułasia z Aŭstralii, – pastavilisia da prapanovy skieptyčna: «Abo turnir, abo ničoha…» Skončyłasia ŭsio bankietam z cukierkami.
Dziŭnuju pasiŭnaść patencyjnych udzielnic sp.Hinzburh patłumačyŭ tym, što im «niama kudy adbiracca»: u žanočym čempijanacie Eŭropy siarod klubaŭ prymajuć usich, aby hrošy byli. A mo imprezu słaba razreklamavali? Ciažka pavieryć, što ŭ «siniavokaj» nie znajšłosia b 35–40 šachmatystak, hatovych utvaryć admysłovyja kamandy. U čempijanacie Biełarusi vystupajuć akurat čatyry tuziny žančyn i dziaŭčat…
I pieršaja liha sioleta padziviła, ale mienš niepryjemna. «Nikoli nie było hetulki moładzi – što ŭ žanočym, što ŭ mužčynskim turniry», – skazaŭ hałoŭny sudździa. U vyniku moładzievaha našeścia hierainia Suśvietnaj alimpijady mižnarodny majstar Taciana Berlin apynułasia la «raźbitaha karyta». A ŭ Vyšejšaj lizie ŭviesnu 2007 h. zhulajuć Łana Stacko i Kacia Chamiakova, jakim niama i 16.
U mužčynaŭ niaŭdała vystupiŭ pieramožca letašniaha adboračnaha etapu Ihar Lucko – 22-je miesca. Hrosmajstar – čałaviek nastroju… Pieršaje miesca zaniaŭ 25-hadovy Ŭładzimier Kucankoŭ z klubu «Viaśnianka» (7 bałaŭ z 9). Farmalna jon kandydat u majstry, dy jaho pośpiech ciažka nazvać sensacyjaj: Uładzimier, čyj rejtynh vyras za paru hadoŭ amal na 200 punktaŭ, zavajavaŭ try bały mižnarodnaha majstra. Prazarlivaść mienskaha elektryka, nie abdzielenaha kambinacyjnym zrokam, my šmatkroć vyprabavali na sabie, siadajučy ź im za «blic».
❏
U.Kucankoŭ – S.Michajłoŭski. Miensk, 2006. Chod biełych.
Adkaz (vyłučycie, kab pahladzieć): 1. d5! «Tut časta hulajuć 1. a3, ale chod z partyi maje taktyčnaje abhruntavańnie: 1…b4 2. dc bc 3. cd cb 4. dcF baF 5. Fd8 Td8 6. Fc2 i ferź a1 u pastcy», – patłumačyŭ U.K. Da dueli čatyroch ferziaŭ sprava, adnak, nie dajšła: zamiest 3…sb čornyja zhulali 3…Sb7 i paśla 4. s5!? Ke4 (lepš było 4…Fd7) 5. cd Cf6 6. Cd3 u biełych vyjaviłasia pieravaha.
