Braty pa duchu, dzieci ziamli našaj matuchny!
U hetyja skrušnyja dni, kali praŭda našaja niapraŭdaj źniavolenaja, a vola našaja ŭ niavoli pakutuje, ja chaču źviarnucca da vas, braty maje. Trymajmasia, bo pieramožam! Chaj natalaje vas, napaŭniaje siła ziamli našaj, kryvioj i potam dziadoŭ našych palitaja. Chaj haryć jana ŭ vas ahniom niepahasnym. A jašče — dasyłaju vam, braty pa duchu, svoj zaklon. Jon dapamoža vam u hadzinu hetuju ciažkuju.
Słova pramaŭlaju,
Siłaj nadzialaju:
Viecier dźmie;
Vada biažyć;
Ziamla lažyć;
Ahoń pałaje.
Majo słova mocnaje
Siłaju niazłomnaju.
Nieparušnaje jano
Čatyrma asnovami.
Słova pramaŭlaju,
Siłaj nadzialaju:
Pryjdzie čas —
Viasna zajhraje
Promniami svabody!
Zmyje preč vadoju čystaj
Słotny brud lipučy!
Słova pramaŭlaju,
Siłaj nadzialaju.
Majo słova mocnaje
Siłaju niazłomnaju.
Nieparušnaje jano
Čatyrma asnovami…