Pres-sakratara Andreja Sańnikava Alaksandra Atroščankava adpravili ŭ kaloniju "Vićba-3», nie čakajučy razhladu kasacyjnaj skarhi.
Pra heta paviedamiła žonka žurnalista Darja Korsak: «Jon napisaŭ list, što jaho pieraviali na Vaładarku, viedaŭ, što paviazuć u piatnicu, ale nia viedaŭ kudy, a ja viedała kudy, ale nia viedała kali ...», – adznačyła Darja Korsak sajtu Chartyja-97.
Alaksandra Atroščankava adpravili ŭ kaloniju 25 sakavika, nie čakajučy razhladu kasacyjnaj skarhi, jakaja adbudziecca 5 krasavika ŭ 10 hadzin ranicy ŭ Mienskim haradzkim sudzie.
«Muž rady, što pieraviali z KDB, sukamerniki sustreli dobra. Ź lista vidać, što jon, z adnaho boku, rady pieramienam, ź inšaha – znachodzicca ŭ poŭnym niaviedańni. Napisaŭ, što bajaŭsia, što pryjdziecca čakać kasacyju ŭ KDB», – adznačyła Darja.
2 sakavika sud Frunzienskaha rajonu Miensku prysudziŭ Alaksandra Atroščankava da čatyroch hadoŭ źniavoleńnia ŭ kalonii ŭzmocnienaha režymu nibyta za ŭdzieł u masavych biesparadkach 19 śniežnia 2010 h.
22 sakavika pres-sakratar kandydata ŭ prezydenty Andreja Sańnikava Alaksandr Atroščankaŭ adznačyŭ svoj 30-hadovy jubilej u SIZA KDB.