Siabra Maładoha Frontu Juljan Misiukievič źviarnuŭsia ŭ Hieneralnuju prakuraturu z nahody prasłuchoŭvańnia telefona. Na apošnim dopycie ŭ KDB Juljan Misiukievič daviedaŭsia, što jaho telefonnyja razmovy prasłuchoŭvalisia.
Śledčy Byčak pakazaŭ padrabiaznyja fanahramy j ścienahramy niekatorych razmovaŭ za listapad-śniežań 2010 hodu. Pieravažnaja bolšaść pakazanych u KDB zapisaŭ hutarak byli da vybarčych padziejaŭ.
Chłopca nieadnarazova dapytvali jak śviedku pa spravie ab masavych biesparadkach 19 śniežnia.
«Być śviedkam — chiba nahoda być prasłuchanym? Spadziajusia, prakuror paviedamić taksama, ź jakoha dazvołu zapisvalisia maje hutarki navat za dva miesiacy da padziejaŭ Płoščy», — skazaŭ Juljan Misiukievič.
U zvarocie junak prosić piśmova paviedamić, kali j jakim prakuroram była vydadziena sankcyja ab praviadzieńni aperatyŭnych dziejańniaŭ u vyhladzie prasłuchoŭvańnia mabilnaha telefonu.
0
0
0
0
0
0
