U previentyŭna zatrymanych na Dzień Voli aktyvistaŭ kanfiskoŭvali ŭsio: ad zalikovak da hrošaj.
U Dzień Voli ŭ 11:20 u kvateru na Prytyckaha, 120, jakuju zdymaje aktyvistka «Jeŭrapiejskaj Biełarus» Iryna Pčołkina, pryjšli milicyjanty. U kvatery ŭ toj momant akramia jaje znachodzilisia aktyvisty Siarhiej Huminski, Andrej Kastusioŭ (syn eks-kandydata ŭ prezidenty), Kasia Ijerusalimskaja, Rusłan Kanavałaŭ i Źmicier Jakuboŭski.
Padčas zatrymańnia, milicyja kanfiskavała asabistyja rečy aktyvistaŭ. Ahułam było kanfiskavana: 3 mabilnyja telefony, dźvie zalikoŭki, 2 noŭtbuki, sistemny błok ad kamputara, 4 fłeški, 2 ličbavyja fotaaparaty, paru studenckich paśviedčańniaŭ, 2 studenckija bilety. U Źmitra Jakuboŭskaha taksama kanfiskavali 120 tysiač rubloŭ.
Nivodnuju z rečaŭ dahetul nie viarnuli, chacia siońnia aktyvisty źviartalisia ŭ RUUS. U sieradu, pavodle słovaŭ Siarhieja Huminskaha, jany płanujuć napisać kalektyŭnuju skarhu.
