U Biełarusi vyjaŭlenyja ślady radyjeaktyŭnych vykidaŭ z «Fukusimy» 1

Radyjeaktyŭnyja vykidy na AES «Fukusima-1» nie ŭpłyvajuć na radyjacyjnuju abstanoŭku ŭ Biełarusi i nie niasuć dla jaje pahrozy.

Pra hetam paviedamiła ŭ aŭtorak na pres-kanfierencyi dyrektar departamienta pa hidramietearałohii Ministerstva pryrodnych resursaŭ i achovy navakolnaha asiarodździa Maryja Hiermiančuk.

Pavodle słoŭ Maryi Hiermiančuk, z momantu radyjacyjnaha vykidu na atamnaj elektrastancyi «Fukusima-1» Biełaruś sumiesna z rasijskimi kalehami pravodzić manitorynh radyjacyjnaj abstanoŭki, adsočvajučy infarmacyju pa mahutnaści doz i prahnazujučy mahčymaje raźvićcio padziej. Pradstaŭnik Minpryrody pryznała, što ŭ Biełarusi, hetak ža, jak i ŭ Rasii i krainach Jeŭrasajuza, byli vyjaŭleny ślady radyjeaktyŭnych zabrudžvańniaŭ, jakija stali vynikami vykidaŭ na «Fukusimie-1».

Adnak ich uzrovień u Biełarusi skrajnie nizki.

«Hetyja ŭzroŭni krajnie nizkija i nie mohuć iści ŭ paraŭnańnie z tymi ŭzroŭniami, jakija byli zafiksavany ŭ 1986 hodzie», — zapeŭniła Maryja Hiermiančuk. Uzrovień radyjenuklidaŭ u miljony razoŭ mienšyja za hraničnuju krytyčnuju nahruzku.

Dyrektar departamienta adznačyła, što manitorynh radyjacyjnaj abstanoŭki budzie pradaŭžacca, u tym liku sumiesna z rasijskim bokam.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH