Joj było 75 hadoŭ. Jana adyšła ŭ Maskvie ŭ sieradu ŭ siabie doma.
Takoj jana palubiłasia miljonam.
Takoj jana padavała siabie.
Jana źnimałasia da apošnich hadoŭ svajho žyćcia.
U lutym Hurčanka złamała sabie ściahno. Heta zdaryłasia na ślizhacie, kali jana vyhulvała sabak. Cieraźviercielny pierałom ciažka paddajecca lekavańniu.
30 sakavika Ludmile Hurčanka zbłažeła, paviedamlaje ahienctva «Interfaks», joj vyklikali chutkuju dapamohu, adnak lekary vyratavać žyćcio aktrysy nie zmahli.
Kahadzie Hurčanka pieraniesła składanuju chirurhičnuju apieracyju.
Ludmiła Hurčanka hrała ŭ teatry i kino, a taksama śpiavała. Jana była adnoj z samych jarkich postaciaŭ savieckaha
Jana naradziłasia ŭ 1935 hodzie ŭ Charkavie. Viadomaj stała zusim junaj, u 21 hod. Tady jana źniałasia ŭ debiutnaj navahodniaj kamiedyi Eldara Razanava «Karnavalnaja noč» — lohkaj, viasiołaj historyi, što źjaviłasia ŭ časie kali impieryja skidała ź siabie ledziany pancyr stalinizmu.
Jana była ŭ viečnaj pahoni za charastvom i asałodami: piać razoŭ zamužam, u tym liku za akcioram Alaksandram Fadziejevym i śpievakom Iosifam Kabzonam, jana pieršaj z savieckich aktrys zrabiła sabie pieršyja płastyčnyja apieracyi.Jana žyła, jak ihrała. Usio heta stvarała jaje lehiendu i vobraz. Jana apranałasia ŭ piory i strazy i nie sychodziła z ekranaŭ telebačańnia da samaj śmierci. Puhačova pra jaje śpiavała pieśniu «Prymadona», i jana vychodziła na scenu ŭ hetym vobrazie. U 48 hadoŭ jana stała narodnaj artystkaj SSSR — najvyšejšy hanarovy tytuł dla aktrysy. Usiaho jana źniałasia ŭ 96 filmach.
«Piesieńka pra piać chvilin» ź filma «Karnavalnaja noč» (1956):
