Hrodzienski žurnalist piša pra padtrymku ludziej z vulicy.
«Ad momantu pryznańnia mianie padazravanym u źniavazie Alaksandra Łukašenki na mianie abrynułasia chvala spačuvańnia», — piša Andrej Pačobut u svaim błohu. — «U taksoŭcy dali nalepku na ladoŭniu z rekłamaj firmy. Taksist: nam daručeńnie dali takuju reklamu davać tolki važnym klijentam. Nieznajomy čałaviek padajšoŭ i pacisnuŭ ruku: Vy za nas usich adkazvajecie, chto tak dumaje ale maŭčyć. Navat nie chočacca ludziej razačaroŭvać (ja ž Łuku nie źnievažaŭ). Ažno ciažka pavieryć, što kaliści Łukašenka karystaŭsia ŭsienarodnaj luboŭju. Bačna, što jahonaja źviazda zakatvajecca. Kali i ŭdasca ŭtrymać uładu, to tolki na štykach».
18 sakavika 2011 h. Hrodzienskaja abłasnaja prakuratura zaviała na žurnalista Pačobuta kryminalnuju spravu №11025190007 pa fakcie abrazy Alaksandra Łukašenki. Śledstva naličyła ź dziasiatak artykułaŭ u drukavanych i internet-vydańniach, a taksama ŭ błohu žurnalista, jakija, na dumku śledčych, mahli abrazić Łukašenku. 29 sakavika supracoŭniki KDB apisali častku majomaści žurnalista.
Adnak, žurnalista heta nie spyniła: 30 sakavika «Gazeta Wyborcza» nadrukavała artykuł Pačobuta «Łukašenka jak teraryst».
Varta adznačyć, što padtrymku Andreju Pačobutu vykazvajuć nie tolki prostyja ludzi z vulicy. Za jaho zastupilisia staršynia Jeŭraparłamienta Ježy Buzek i ministr zamiežnych spraŭ Polščy Radasłaŭ Sikorski. 30 sakavika hrodzienskija žurnalisty, napisali kalektyŭnuju zajavu ŭ abłasnuju prakuraturu z patrabavańniem spynić kryminalny pieraśled kalehi.
