Za «raspaŭsiudžańnie nieabhruntavanaj infarmacyi ab trahičnych padziejach u Minskim mietrapalitenie» Hienprakuratura vyniesła papiaredžańni lidaru Ruchu «Za svabodu» Alaksandru Milinkieviču, redaktaruinternet-haziety «Salidarnaść» Alaksandru Starykieviču i byłomu supracoŭniku KDB Valeryju Kostku.
«Nieabhruntavanyja źviestki i dadumki, nakiravanyja na dyskredytacyju biełaruskaha hramadstva i dziaržavy», — havoryć pra ich zajavy i artykuły prakuratura.
U paviedamleńni prakuratury havorycca, što nazvanyja asoby z papiaredžańniem pahadzilisia i «abaviazalisia ŭ dalejšym vyklučyć sa svajoj dziejnaści fakty raspaŭsiudžańnia nieabhruntavanaj infarmacyi».
«Heta nie tak, — abvierhnuŭ sp. Starykievič u razmovie z karespandentam „NN“. — Ja nie zhodny z papiaredžańniem». Jon dadaŭ, što razmova z prakuroram była vietlivaj i kožny zastaŭsia pry svaim.
A.Starykievič nie viedaje, čamu mienavita jon atrymaŭ papiaredžańnie: «Heta ŭ Hienprakuratury treba pytacca. Ja ŭvohule trapiŭ u niadrennuju kampaniju». Vybitny žurnalist abiacaje praciahvać svaju prafiesijnuju dziejnaść i publikavać materyjały ab terakcie. «Pryčym aśviatlajučy roznyja pazicyi. U hetym zaklučajecca praca žurnalista», — zaznačyŭ Starykievič.
Alaksandra Milinkieviča, jak i A.Starykieviča, papiaredzili ab adkaznaści praz telefon. «Mnie skazali, što maje słovy pieraškadžajuć śledstvu. Papiaredzili ab adkaznaści za zroblenyja zajavy. Adnak ja, ščyra kažučy, nie razumieju, što ŭ maich słovach mahło pieraškodzić śledstvu. Praciahvaju davać intervju, ahučvaju svaje mierkavańni», — paviedamiŭ A.Milinkievič.
Łukašenkaŭcy Musijenka i Davydźka, jakija taksama vykazali svaje viersii, papiaredžańniaŭ nie atrymali.