Ad pačatku vyklikaŭ niajasnaść toj fakt, što fotarobat pieršym raspaŭsiudziła rasijskaje, a nie biełaruskaje vydańnie. Supiarečlivyja zajavy siłavych viedamstvaŭ vydajuć niedachop kaardynacyi.
Padazravanych pa spravie ab terakcie ŭ minskim mietro pakul niama, pracesualna zatrymanych -- taksama, paviedamiŭ u efiry ANT u prahramie «Adkryty farmat» 12 krasavika namieśnik hienprakurora, kiraŭnik apieratyŭnaj śledčaj hrupy Andrej Švied.
Raniej u aŭtorak Švied adznačaŭ, što pavodle padazreńnia ŭ dačynieńni da terakta zatrymany niekalki čałaviek. Na pytańnie, ci źjaŭlajucca zatrymanyja hramadzianami Biełarusi, jon adkazvać admoviŭsia.
Staršynia ž Kamiteta dziaržaŭnaj biaśpieki Biełarusi Vadzim Zajcaŭ raniej zajaŭlaŭ, što va ŭčynieńni teraktu ŭ Minsku padazrajecca małady mužčyna niesłavianskaha vyhladu.Jahonyja słovy cytavała ahienctva BiełTA.
Pavodle słovaŭ Zajcava, byŭ składzieny fotarobat čałavieka, jaki padazrajecca ŭ niepasrednym učynieńni terarystyčnaha aktu ŭ minskim mietro.
Heta małady mužčyna va ŭzroście da 27 hadoŭ, mocnaha ciełaskładu, rostam 175–180 sm. Na im była karyčnievaja kurtka i karyčnievaja viazanaja šapačka.Na dumku kiraŭnika KDB, nie vyklučanaja viersija, što hety čałaviek byŭ najmitam.
Vadzim Zajcaŭ prainfarmavaŭ, što vybuchovaje prystasavańnie na stancyi mietro «Kastryčnickaja» było radyjokiravanaje i jaho pryvioŭ u dziejańnie vykanaŭca. Pavodle pieršasnych
U jakaści srodkaŭ paražeńnia «vykarystoŭvalisia roznyja mietaličnyja pradmiety, jak byłyja va ŭžyvańni, niapravilnaj formy, tak i tyja, što pradajucca ŭ kramach», — skazaŭ staršynia KDB.
Adkazvajučy na pytańnie žurnalistaŭ, ci mahła hetaja pryłada być vyrablenaja ŭ Biełarusi, Vadzim Zajcaŭ skazaŭ, što na hetaje pytańnie treba adkazać ekśpiertam.
Nasupierak raniejšym zajavam Zajcava, u viečarovym efiry ANT pieršy namieśnik ministra ŭnutranych spravaŭ Aleh Piakarski paviedamiŭ, što orhany ŭnutranych spraŭ pakul nie mohuć skazać, ci fotarobat, jaki źjaviŭsia ŭ ŚMI, «adpaviadaje asobie, jakaja ździejśniła złačynstva».
