Alaksandr Łukašenka daručyŭ śledčaj hrupie pa rasśledavańni terakta ŭ minskim mietro 11 krasavika «ŭ maksimalna karotkija terminy» zaviaršyć usie pracesualnyja dziejańni i nakiravać spravu ŭ sud.Takoje daručeńnie kiraŭnik dziaržavy zrabiŭ 13 krasavika na naradzie, frahmienty jakoha tranślavalisia pa biełaruskim telebačańni.
«Vy viedajecie staŭleńnie ludziej — heta hora ŭsiaho naroda.
Vinavatyja pavinny panieści samaje surovaje pakarańnie»,— padkreśliŭ kiraŭnik dziaržavy.
Łukašenka taksama daručyŭ Savietu biaśpieki, MUS i KDB na praciahu miesiaca zaviaršyć rabotu pa vyjaŭleńni niezarehistravanaj zbroi i vybuchovych rečyvaŭ u Biełarusi. «Jak mnie dakładvajuć, vy aktyŭna i dziejsna pačali hetuju pracu.
Na praciahu miesiaca ŭsie vyviernuć navyvarat.
U kaho vy znojdziecie niezarehistravanaja zbroja, vybuchoŭku, čornych ci biełych kapalnikaŭ — usich za kraty. Tolki tak my možam paźbiehnuć u budučyni padobnych terarystyčnych aktaŭ» , — pierakanany prezident.
Akramia taho, jon zapatrabavaŭ ad ministra abarony ŭ praciahu dvuch tydniaŭ skončyć pačatuju reviziju składoŭ i bojeprypasaŭ. «Prainfarmavać asabista mianie pra vykanańni, praviadzicie heta samym žorstkim čynam. Jak mnie dakładvajuć čekisty, apieratyŭniki pacikavilisia niekatorymi internatami vajskoŭcaŭ. Čaho tolki tam niama: nu zrazumieła, pacuki,
ale tam i patrony, i vybuchoŭka, i bojeprypasy. Patrabuju ad vas naviadzieńnia paradku»,— zajaviŭ Łukašenka.
Jon adznačyŭ pracu prafiesijnuju i apieratyŭnuju pracu miedykaŭ 11 krasavika. «Vy mnohich pastavili na nohi. Vy pavinny vyratavać usich paranienych. Dla vas heta sprava honaru, kińcie na heta lepšyja siły. Treba ŭsich vyratavać», — padkreśliŭ kiraŭnik dziaržavy.