Krajniuju pravuju pałasu na ŭsim praśpiekcie Niezaležnaści vydzielać dla maršrutnych transpartnych srodkaŭ (aŭtobusaŭ i maršrutak). Raźmietku pačnuć nanosić užo siońnia ŭnačy. Nieŭzabavie ŭstalujuć i darožnyja znaki.
U pres-słužbie DAI nahadvajuć, što pa punkcie 124 Praviłaŭ darožnaha ruchu
na darohach z pałasoj dla maršrutnych transpartnych srodkaŭ zabaraniajucca ruch, prypynak i stajanka dla inšych aŭtamabilaŭ.
Chutčej za ŭsio pałasa dla ruchu aŭtobusaŭ budzie admiežavana ad astatniaj prajeznaj častki darohi pieraryvistaj linijaj raźmietki. Heta značycca, što dla ažyćciaŭleńnia pavarotu naprava kiroŭca budzie abaviazany spačatku pierastroicca ŭ jaje. U takim vypadku
budzie dazvolena zajazdžać na hetu pałasu dla pasadki ci vysadki pasažyraŭ,kali heta nie stvoryć pieraškody dla ruchu maršrutnych transpartnych srodkaŭ.
Kiroŭcy zaścierahajuć: heta pryviadzie da stvareńnia novych korkaŭ. Na niekatorych učastkach hałoŭnaha praśpiekta stalicy z čatyroch pałos dźvie vydzielenyja dla pavarotu naleva. Kali budzie zabaronieny ruch jašče i pa pravaj pałasie, to
ŭsioj płyni mašyn daviadziecca ŭciskvacca ŭ adzinuju svabodnuju pałasu.
