U 100 artykułaŭ Kodeksa pra šlub i siamju buduć zaniesienyja źmieny i dapaŭnieńni. Prajekt novaj redakcyi kodeksa budzie razhledžany na viasieńniaj siesii biełaruskaha parłamienta.
Adno z płanavanych novaŭviadzieńniaŭ — zaklučeńnie šlubu praz try dnia paśla padačy zajavy ŭ ZAHS (ciapier 15 dzion, kaliści było 3 miesiacy). Akramia taho, u maładych źjavicca mahčymaść pravodzić cyrymoniju šlubu nie tolki ŭ pamiaškańni ZAHSa, ale i za jaho miežami — naprykład, u pamiatnych histaryčnych miescach.
Ludzi zmohuć zaklučyć šlub u lubym ZAHSie respubliki, a nie tolki pa miescy rehistracyi.
Pry skasavańni šlubu sud budzie abaviazany vyznačać, z kim pavinna znachodzicca dzicia paśla razvodu, a taksama paradak udziełu baćki, jaki budzie pražyvać asobna, u vychavańni dziciaci i pamier alimientaŭ.
Usio heta nie budzie zaležać ad zhody baćkoŭ,kali tolki pamiž baćkami nie budzie składzienaja damova pra dziaciej ci šlubnaja damova.
Kodeks ustaluje i maksimalnuju roźnicu pamiž usynavicielem i ŭsynaŭlanym, čaho raniej nie było. Jana budzie składać 45 hadoŭ.
