Pryvatnaja ŭłasnaść (Nue propriété)
Bielhija — Luksiemburh — Francyja, 2006, kalarovy, 95 chv.
Režysior: Jachim Łafos
Roli vykonvajuć: Izabel Juper, Žeremi Renje, Janik Renje, Krys Kupiens, Patryk Dekamp
Žanr: Drama
Premii: Naminacyja na «Załatoha ilva» Vieniecyjanskaha kinafestu
Adznaka: 4,5 (z 10)
Raźviedzienaja Paskal žyvie ŭ vialikim domie z dvuma synami-pierarostkami. Baćka adkupajecca ad synoŭ, maci źbirajecca syści z paluboŭnikam i pradać dom, a syny kpiać z ułasnaje maci. U raskidanym siamiejnym hniaździe vyśpiavaje trahiedyja…
Karcina Jachima Łafosa — nudnavataja fiestyvalnaja drama pra ehaizm, infantylnaść i zaniapad siamji. Hłybokadumna-doŭhija płany, čviakańnie padčas siamiejnych śniadankaŭ, vostryja sceny, pakinutyja za kadram, niaśpiešna raspaviadajuć pra pabytovaje siamiejnaje piekła.
U hetym piekle nichto nikoha nie čuje, kožny sam za siabie, a zamiest lubovi — materyjalnaja zaležnaść. Film paźbiahaje satyry, chacia francuzskaje kino na satyru bahataje, a sama stužka daje nahodu dla hetaha. Film strymana-surjozny, amal askietyčny, a Izabel Juper u hałoŭnaje roli maje niepaznavalna-ściorty tvar. Karcina ŭračysta namiakaje na viadomuju biblejskuju trahiedyju z knihi Byćcia, ale heta nie ratuje film ad banalnaści.
