U Minsku za adsutnaść cukru da dyscyplinarnaj adkaznaści pryciahnutyja 46 kiraŭnikoŭ handlovych arhanizacyj.
Pra heta paviedamiŭ načalnik hałoŭnaha ŭpraŭleńnia spažyvieckaha rynku Minharvykankama Valancin Bajdak siońnia na pasiadžeńni ŭ harvykankamie, na jakim abmiarkoŭvałasia situacyja na spažyvieckim rynku stalicy.
Valancin Bajdak kanstatavaŭ, što ŭźniknieńnie ažyjatažnaha popytu, spravakavanaje čutkami ab mahčymym padaražeńni cukru, stvaryła pieraboi ź jaho pastaŭkami.
Kali raniej u horadzie pradavali 60 t cukru, to ŭ asobnyja dni ažyjatažu štodzionnyja prodažy ŭzraśli da 400 t.«Siońnia pryniaty ŭsie miery, i ja adkazna zajaŭlaju, što prablema z cukram u stalicy źniataja całkam. Pavialičany tavarnyja zapasy ŭ roźničnaj sietcy, na składach aptovaha handlu i na cukrovych zavodach majecca bolš za 14 tys.t cukru», — skazaŭ kiraŭnik kiravańnia.
Razam z tym, pavodle jaho słoŭ, kiraŭnictva haliny praanalizavaŭ svaje chiby, pryčyny zboju ŭ zabieśpiačeńni tavarami, akaličnaści, jakija sparadzili ich. Pryniaty miery pa niedapuščeńni padobnaha. «Pryčynaj stała biezadkaznaść asobnych kiraŭnikoŭ bujnych handlovych sietak, supiermarkietaŭ, roźničnych pradpryjemstvaŭ. Nie lepšym čynam spracavali aptovyja źviony. Za heta kiraŭniki handlovych arhanizacyj, jakija dapuścili adsutnaść cukru, pryciahnuty da dyscyplinarnaj adkaznaści, usiaho 46 čałaviek», — infarmavaŭ Valancin Bajdak.
