Uvachod na Banhałor - praz turnikiety.
Akademija navuk ačeplenaja.
Ivaškievič raźmiaščaje raściažki.
Ryhor Kastusioŭ i Alaksiej Janukievič niasuć abraz «Maci Božaj Čarnobylskaj».
Niechta razdavaŭ baloniki ź simvałam radyjacyi.
Transparant biełaruskich anarchistaŭ.
«Biadota naroda - brend».
Udzielniki statyčnaha Čarnobylskaha šlachu.
Adna z udzielnic.
Na ściahach žałobnyja stužki ŭ pamiać achviaraŭ teraktu u mietro.
Dziciačyja hulni.
19:41
Arhanizatary zaprasili ŭsich achvotnych uskłaści kvietki i źničy da kaplicy ŭ pamiać achviar čarnobylskaj trahiedyi. Zaznačajecca, što milicyja nie budzie čynić pieraškodaŭ, kali ŭdzielniki abyducca bieź simvoliki. Častka idzie ŭskładać kvietki, častka — razychodzicca.
19:29
Začytvajecca rezalucyja mitynhu (čytaje Franak Viačorka). U rezalucyi — zaklik vyzvalić usich palitviaźniaŭ, zaznačajecca, što prezidenckija vybary prajšli niedemakratyčna, zhadvajecca pra pieratrusy ŭ ofisach niezaležnaj presy. Zaklikajecca spynić palityčnyja pracesy suprać udzielnikaŭ Płoščy.
U druhoj rezalucyi ŭtrymlivajecca zaklik viarnuć lhoty likvidataram, a taksama zabaranić vyroščvać lubuju pradukcyju na zabrudžanych terytoryjach; prymajecca rezalucyja suprać budaŭnictva AES u Astraŭcy pa nieviadomym, inavacyjnym prajekcie. Źviartajecca ŭvaha, što vydatkavanyja srodki lepš puścić na daśledavańnie ŭznaŭlalnych kryinic enierhii, u pryvatnaści, vietravoj.
Častka ludziej adychodzić z płoščy Banhałor.
18:59
Alaksandr Miech (Kobryn) u svaim vystupie zajaviŭ, što budaŭnictva AES vyhadna tolki Rasii, jakaja ŭkładaje hrošy, buduje stratehičny abjekt, daje pracu svaim pracaŭnikam, a potym jašče i ekspartuje enierhiju. Biełaruś ža atrymaje tolki niebiaśpiečny abjekt.
Staršynia partyi BNF Alaksiej Janukievič taksama vykazaŭ zaściarohi nakont budaŭnictva AES Rasijaj, a taksama zaklikaŭ vyzvalić usich palitviaźniaŭ. Jon taksama zaklikaŭ dziaržaŭnyja ŚMI pierastać dzialić ludziej na česnych i niačesnych. «Radyjacyja nikoha nie dzielić»
U akcyi biare ŭdzieł kala 500 čałaviek.
18:46
Niejki małady čałaviek u čornym, zachutany ŭ masku, sprabavaŭ učynić pravakacyju. Padychodziŭ da płakataŭ i sprabavaŭ pstrykać zapalničkaj, sprabujučy padpalić. Potym vychodziŭ pierad vystupoŭcami i zaminaŭ im vystupać, jaho schapili i pieradali ŭ ruki milicyi (pałkoŭnik Ihar Jaŭsiejeŭ), jakija zatrymali taho i prymusili źniać masku.
18:34
Źjavilisia anarchisty. U ich zaviazanyja tvary i raściažka «Čarnobyl, Fukusima, Astraviec».
Jury Chadyka ŭ svaim vystupie zaznačyŭ, što siońniašniaja akcyja — taksama jak sposab pieraadoleć strach, pasiejany žorstkim razhonam Płoščy 19 śniežnia i vybucham 11 krasavika ŭ minskim mietro. Toje, što pryjšło ŭžo kala paŭtysiačy čałaviek sp. Chadyka ličyć dobrym znakam.
18:22
Prysutničajuć łukašenkaŭskija televizijnyja hrupy, jakija «prasłavilisia» filmami pra apazicyju, u pryvatnaści, Małady front.
Pačynajecca mitynh. Jon pačaŭsia z chviliny maŭčańnia, ciapier vystupaje adzin za arhanizataraŭ akcyi Jury Chadyka.
U akcyi biaruć udzieł niekalki socień čałaviek. Źjaviŭsia
18:15
Kiraŭniki Partyi BNF Ryhor Kastusioŭ i Alaksiej Janukievič prynieśli ikonu «Maci Božaja Čarnobylskaja». Źjavilisia pradstaŭniki «Maładoj Biełarusi» na čale z Arturam Fińkievičam.
Zaraz na Płoščy kala 200 čałaviek, ludzi prybyvajuć.
Na scenie pačynajecca mitynh.
18:10
Milicyja sama aceńvaje kolkaść prysutnych (pieradaje pa racyi) ŭ 130–140 čałaviek, zaznačajučy, što ludzi ŭsio prybyvajuć. Źjavilisia pradstaŭniki BCHD sa svaimi ściahami. Źjaviłasia raściažka «Nie — AES u Biełarusi». Pačynajecca doždž.
17:59
Źjavilisia novyja transparanty: «Patrabujem harantyj biaśpieki», «Astravieckaja AES? Dziakuj, nie treba!».
Pryjšoŭ hienierał Valeryj Frałoŭ, «Maładyja demakraty» na čale z Aleham Korbanam z raściažkami i ściahami, jeŭrakamunisty Valer Uchnaloŭ i Siarhiej Vaźniak,
Michaś Bašura i Alaksiej Maračkin prynieśli čarnobylski zvon.
17:54
Na płoščy Banhałor sabrałasia kala 50 čałaviek. Na scenie dva transparanty: «Čarnobyl, Fukusima, što dalej?» i «Nam niepatrebny druhi Čarnobyl».
Vielmi pilny kantrol na padychodzie, pierahladajuć usio, ale vielmi karektna. Na padychodzie da Banhałor stajać anarchisty ŭ maskach.
Što da publiki, to ŭ asnoŭnym heta ludzi siaredniaha i pažyłoha ŭzrostu, moładzi niašmat. Niekalki
Ź viadomych ludziej — Jury Chadyka, palitołah Uładzimir Padhoł, likvidatary.
***
Płošča pierad Akademijaj navuk aharodžana turnikietami. Nahadajem, što napačatku płanavałasia, što la Akademii navuk, a
Tym nie mienš ułady, vidać, vyrašyli pierastrachavacca. Apošnija hady ČŠ pačynaŭsia ad budynka Prezidyuma Akademii navuk.
* * *
Arhanizatary «Čarnobylskaha šlachu» pryniali rašeńnie ab zbory jaho ŭdzielnikaŭ 26 krasavika ŭ Minsku na płoščy Banhałor,paviedamiŭ adzin z arhanizataraŭ akcyi palityk Viktar Ivaškievič.
Pavodle jaho słoŭ, takoje rašeńnie było pryniata, kab nie pravakavać siłavyja struktury Biełarusi na aktyŭnyja dziejańni ŭ dačynieńni da ŭdzielnikaŭ mierapryjemstva. Akramia taho, adznačyŭ Ivaškievič, supracoŭniki pravaachoŭnych orhanaŭ
nie buduć pieraškadžać prachodžańniu hramadzian da Čarnobylskaj kaplicy na vulicy Karastajanavaj u Minsku.
«Adnak hetaje šeście nie budzie arhanizavanym. Luby hramadzianin jak pryvatnaja asoba moža adpravicca ŭ bok Čarnobylskaj kaplicy, uskłaści tam kvietki, pastavić śviečki. Ab hetym nam było zajaŭlena siońnia na sustrečy z kiraŭnictvam minskaj milicyi», — paviedamiŭ Ivaškievič.
Takim čynam, mitynh projdzie na płoščy Banhałor u 18 hadzin 26 krasavika.
Raniej Minharvykankam zabaraniŭ praviadzieńnie 26 krasavika ŭ Minsku šeścia «Čarnobylski šlach». Arhanizataram było paviedamlena, što zbor udzielnikaŭ akcyi na placoŭcy kala prezidyuma Nacyjanalnaj akademii navuk zabaronieny. Zabaroniena taksama šeście da Čarnobylskaj kaplicy na vulicy Karastajanavaj. U Minharvykankamie matyvavali hetaje rašeńnie zakonam ab masavych mierapryjemstvach, zhodna ź jakim akcyi nie mohuć prachodzić bližej čym za 200 mietraŭ ad uvachodaŭ u mietro i administracyjnych budynkaŭ.
Minharvykankam prapanavaŭ pravieści 26 krasavika tolki mitynh u parku Družby narodaŭ z 18 da 20 hadzin.
«Čarnobylski šlach» — tradycyjnaje šeście, jakoje pravodzicca ad 1989 hoda.Jano byvała bolš ci mienš šmatludnym, ale jano zaŭždy było pryncypovym dla apazicyi. Nie raz ułady zabaraniali jaho, ale jano pravodziłasia tady biez dazvołu — naprykład, ad płoščy Svabody ci ad Akademii navuk.
Sioleta pieršy hod, kali hradus strachu ŭ hramadstvie taki, što nichto z palitykaŭ ci hramadskich dziejačoŭ nie ŭziaŭ na siabie adkaznaść za zbor ludziej u niedazvolenym miescy.
Mnohija hramadskija lidary źniavolenyja, inšyja znachodziacca pad śledstvam. Lidar Abjadnanaj hramadzianskaj partyi Anatol Labiedźka zaklikaŭ apazicyjnych palitykaŭ na 26 krasavika naviedać Čarnobylskuju zonu. Na jahonuju dumku, u atmaśfiery paśla teraktu ŭłady nie dali b dazvołu ni na jakuju vuličnuju akcyju ŭ centry Minska.
