«Valuty ŭ krainie dastatkova, — zajaviŭ žurnalistam staršynia Minharvykankama Mikałaj Ładućka 1 maja na śviatočnym mitynhu Fiederacyi prafsajuzaŭ Biełarusi ŭ Minsku. — Siońnia ŭžo i zaležnyja, i niezaležnyja ekanamisty kažuć, što ŭ biełaruskaha nasielnictva sfarmavanyja nakapleńni ŭ 12–14 miljardaŭ dołaraŭ».
Kiraŭnik haradskich uładaŭ nahadaŭ, što ŭ minułuju piatnicu prem'jer-ministr Michaił Miaśnikovič byŭ ź vizitam u Salihorsku (Minskaja vobłaść), na zakładcy novaha zavoda pa vytvorčaści minieralnych uhnajeńniaŭ. «Biełaruskaja kalijnaja kampanija ŭstojliva pracuje ŭ partniorstvie z rasijskimi kampanijami, — paviedamiŭ Ładućka. — I sotni tysiač ton štomiesiac adhružajucca spažyŭcam — jany raspłačvajucca valutaj, jakaja pastupaje ŭ Nacyjanalny bank. Ale my kažam pra inšaje: siońnia za valutu my kuplajem naftu, haz, miedykamienty. U kaho ź minčan siońnia doma nie było haračaj vady, była adklučanaja elektraenierhija, zimoj zastavalisia chałodnymi batarei? Čatyry dni vychadnych — ludzi vyjazdžali za horad. 12 ton šašłykoŭ kuplena — miasa ž nie padaražeła, jak, dapuścim, impartnyja šakaładki, na 60%, praŭda?
Načalnik DAI HUUS paviedamlaŭ, što 3 maja budzie ŭźnimać dva viertaloty i sačyć, jak u Minsk źjazdžajucca z usich napramkaŭ aŭtamabilisty. Tamu što, kali nie rehulavać ruch ź nieba, to jany prosta nie zajeduć. Dyk što heta, skažycie — jaki valutny kryzis?»
A voś što kazaŭ kiraŭnik aficyjnych «prafsajuzaŭ» Leanid Kozik:
