Siońnia Vilniu naviedvaje Hałava viedamstva fiederalnaha kanclera Hiermanii, ministr pa asablivych daručeńniach Ronald Pofała. Spačatku jon mieŭ vystup pierad studentami EHU, paśla sp. Pofała — daŭpres-kanfierencyju dla biełruskich žurnalistaŭ.
Jon vystupiŭ ź nievialikaj pramovaj, dzie adznačyŭ: «U nas zastajecca vialikaja zaniepakojenaść situacyi ŭ Biełarusi, hvałt nad demanstrantami, palitviaźni. My nikoli z hetym nie pahodzimsia. Tamu byli pryniatyja sankcyi, jakija byli ŭzhodnienyja ŭnutry Jeŭrasajuza.
Ciapier jašče i pahražaje zakryćcio dźvium hazietam. Dla nas svabodnaja presa — jadro demakratyčnaj dziaržavy. My budziem rabić usio, kab padtrymać vas».
Pieršaje pytańnie tyčyłasia mahčymych ekanamičnych sankcyj suprać biełaruskich uładaŭ. «Ja raździalaju mierkavańnie, što vybuch u mietro vykarystoŭvajecca, kab uzmacnić represii. My pryhladajemsia da ŭsich pracesaŭ. Cynična dumać, što pierakvalifikacyja abvinavačvańnia moža pryvieści da bolš libieralnaj reakcyi. Ale luboje abvinavačvańnie dla nas nieprymalnaje.
«Ekanamičnyja sankcyi, ź imi treba być aściarožnymi, bo heta moža pryvieści da škody prostym hramadzianam. Treba, kab pa mahčymaści ludzi nie pakutavali ad sankcyj i ich nastupstvaŭ. Treba ŭsio ŭzvažyć»
Što datyčyć zakryćcia haziet «Našaj Nivy» i «Narodnaj voli», to niamiecki čynoŭnik zaznačyŭ: «Z toj pary, jak my daviedalisia pra zakryćcio haziet, to kožny raz źviartajem ŭvahu na nieprymalnaść takoha kroku. My budziem heta krytykavać, jak i źniavoleńnie demanstrantaŭ. Režym treba prymusić, kab jany dali mahčymaść vam pracavać. Ale možna pracavać i
Spadar Pofała raskazvaje, što pamiž Kaladami i Navom hodam mieŭ razmovu z kiraŭnikom Administracyi prezidenta Biełarusi. «Ja razmaŭlaŭ sa spadarom Makiejem paśla vybaraŭ. Mnie było važna źviarnuć jahonuju ŭvahu na vyzvaleńnie palitviaźniaŭ. Ja zaznačyŭ, što nijakich kantaktaŭ nie budzie, pakul nie vykananajuć hetaje patrabavańnie. Bolš nijakich kantaktaŭ nie było».
«U Biełarusi nie było nikoli demakratyi. Prynamsi, u tym sensie, što my razumiejem.
Kaniečnie, byli niejkija zruchi pierad vybarami. Kali Łukašenka kaža, što maleńkaja raślina demakratyi, što tolki vybiłasia z hleby, hetaha ŭžo dastatkova, to heta niapravilna», — skazaŭ R.Pofała.
