Niavyznačanaja situacyja na valutnym rynku padkasiła pracu biełaruskich aŭtadyleraŭ. Mnohija aŭtasałony prypynili prodažy.
Abtelefanavaŭšy niekalki staličnych aŭtasałonaŭ, my jašče raz pierakanalisia, što z-za prablemaŭ z valutaj zastajucca nievyrašaymi pytańni, ź impartam. Takija aŭtasałony jak "Emir Motars", jakija realizujuć mašyny marki Toyota, na čas začynili dźviery dla pakupnikoŭ. Samym vialikim popytam, jak nam rastłumačyli, raniej karystalisia marki Toyota Corolla, Auris i Camry u koštavym dyjapazonie 20000-50000 dalaraŭ.
Amataram aŭtamabila Audi pry zvarocie ŭ "Aŭtasałon-AV", treba pačakać 6-7 miesiacaŭ, pierš čym jany zmohuć prakacicca na ŭłasnaj mašynie pa vulicach Minska. Bo ŭ dadzienym sałonie kupić aŭto ciapier možna tolki pad zakaz.
Tym nie mienš, jość jašče "apošnija z mahikanaŭ", jakija prapanujuć vybar. U "Peugeot na Łahojskim" rastłumačyli:
- Asnoŭny kłas papularnych aŭtamabilaŭ - heta aŭto haradskoha typu, takija jak Piežo 207, 308. My nie prypyniali prodažu, bo na składzie majecca vialikaja kolkaść mašyn, nie takaja, viadoma, jak była raniej, ale, tym nie mienš, aŭtamabili jość u najaŭnaści. Dy i klijentaŭ ciapier chapaje.
Taksama vyśvietliłasia, što padvyšeńnie koštaŭ na paliva nijakim čynam nie paŭpłyvała na vybar toj ci inšaj marki aŭtamabila. Biełarusy pa hetaj pryčynie nie stali prychilnikami tolki bolš ekanamičnych mašyn. Što da koštaŭ, to za apošni miesiac jany zastalisia ŭ starym dyjapazonie. Rezkaha skačka nie nazirałasia.
