Paśla teraktu ŭ minskim mietro ź niezakonnaha zvarotu kanfiskavana zvyš 2 tysiač adzinak zbroi, bolš za 20 kh vybuchovych rečyvaŭ.
Uzbudžana bolš za 150 kryminalnych spraŭ. Pra heta žurnalistam 6 maja paviedamiŭ namieśnik ministra ŭnutranych spraŭ — načalnik milicyi hramadskaj biaśpieki Jaŭhien Połudzień.
Śpiecyjalnyja kompleksnyja mierapryjemstvy «Arsienał» pravodziacca z 12 krasavika i, jak zajaviŭ namieśnik ministra, «praciahnucca da tych časoŭ, pakul my nie ŭbačym, što kanfiskavali ŭsiu zbroju, jakaja niezakonna zachoŭvajecca».
Połudzień adznačyŭ, što ŭ nasielnictva kanfiskavana bolš za 500 adzinak niezakonnaj zbroi, kala 500 adzinak zbroi, jakija zachoŭvaŭsia z parušeńniem zakanadaŭstva. Bolš za tysiaču adzinak nasielnictva zdało dobraachvotna. Jak padkreśliŭ namieśnik ministra, mienš čym za miesiac ź niezakonnaha zvarotu było kanfiskavana praktyčna stolki zbroi, kolki zvyčajna adbirajecca prykładna za paŭhoda.
Bolšaść kanfiskavanaha zbroi adnosicca da časoŭ Vialikaj Ajčynnaj vajny, častka — samarobnyja asobniki. Byli vypadki kanfiskacyi sučasnaj strałkovaj zbroi.
Namieśnik ministra paviedamiŭ, što ciapier abśledujucca navučalnyja ŭstanovy, u muziejach, pakojach bajavoj słavy jakich moža zachoŭvacca zbroja i bojeprypasy časoŭ vajny. Pavodle jaho słovaŭ, vyjaŭlena vialikaja kolkaść zbroi, snaradaŭ, min u navučalnych ustanovach, jakija nie majuć adpaviednaj licenzii.
Połudzień taksama paviedamiŭ, što MUS sumiesna ź Minabarony majuć namier arhanizavać svojeasablivuju vystavu kanfiskavanaha zbroi i bojeprypasaŭ, u tym liku časoŭ Vialikaj Ajčynnaj vajny, i pakazać praź ŚMI nasielnictvu, što mohuć saboj ujaŭlać tyja ci inšyja ŭzory. Pavodle jaho słoŭ, heta budzie zroblena ŭ pieršuju čarhu dla taho, kab darosłyja mahli identyfikavać nieviadomyja pradmiety, vypadkova znojdzienyja dziećmi.
