12 maja Jeŭraparłamient abmiarkuje situacyju z pravami čałavieka, demakratyjaj i viaršenstvam zakona ŭ Biełarusi.
Jak paviedamlaje pres-słužba Jeŭraparłamienta, debaty adbuducca ŭ ramkach siesii ŭ Strasburhu. Pa vynikach abmierkavańnia jeŭradeputaty prymuć rezalucyju.
20 studzienia Jeŭraparłamient pryniaŭ rezalucyju, u jakoj asudziŭ žorstkija represii ŭ Biełarusi ŭ dzień prezydenckich vybaraŭ i zaklikaŭ Radu Eŭrasajuza pravieści niezaležnaje rasśledavańnie zdareńnia pad ehidaj ABSIE.
Jeŭraparłamient taksama zaklikaŭ kiraŭnictva ES nieadkładna ŭvieści sankcyi ŭ dačynieńni da biełaruskich čynoŭnikaŭ, jakija majuć dačynieńnie da represij padčas prezidenckaj kampanii. Sankcyi pavinny dziejničać da biezumoŭnaha vyzvaleńnia ŭsich palitviaźniaŭ.
10 sakavika była pryniataja jašče adna rezalucyja Jeŭraparłamienta, jakaja asudžaje prymianieńnie katavańniaŭ u dačynieńni da zatrymanych pa kryminalnaj spravie ab masavych biesparadkach u Minsku 19 śniežnia.
