10 maja ŭ Homieli rabočy-mantažnik zabiŭ dyrektara pradpryjemstva ŭ słužbovym kabiniecie.
Jak paviedamiŭ načalnik śledčaha adździeła prakuratury Homielskaj vobłaści Jury Dziamjačyk, złačynstva było ździejśniena prykładna a 10.00, padazravany zatrymany.
Pavodle słovaŭ načalnika adździeła, ranicaj na pradpryjemstvie, jakoje zajmajecca mantažom sistem kandycyjanavańnia i vientylacyi, paśla praviadzieńnia płaniorki rabočy-mantažnik pasvaryŭsia z kiraŭnikom, nanios jamu nažavoje ranieńnie ŭ vobłaść serca i syšoŭ. Paśla jaho sychodu ŭ kabiniet zajšoŭ inžynier i ŭbačyŭ, što kiraŭnik miortvy.
Rasśledavańniem kryminalnaj spravy zajmajecca prakuratura Čyhunačnaha rajona. Prakuror rajona Dzianis Mikušaŭ paviedamiŭ, što kanflikt pamiž kiraŭnikom i padnačalenym paŭstaŭ na hlebie taho, što rabočy miesiac znachodziŭsia ŭ adpačynku biez zachavańnia zarabotnaj płaty. Jon abvinavaciŭ dyrektara ŭ tym, što kiraŭnik nie daje jamu zamovaŭ. Pracoŭny raniej sudzimy nie byŭ, jamu 27 hadoŭ, dyrektaru byŭ 41 hod. Viadziecca śledstva.