Sikorski: Łukašenka zapeŭnivaŭ nas, što vybary buduć sumlennymi 10

Ministr zamiežnych spraŭ Polščy Radasłaŭ Sikorski zaklikaŭ biełaruskija ŭłady «adumacca i źviarnuć ź iłžyvaha šlachu». Pra heta jon zajaviŭ 21 maja ŭ Kalininhradzie paśla sustrečy z kalehami z Hiermanii i Rasii.

«Prezident Łukašenka zapeŭnivaŭ nas, što vybary (kiraŭnika dziaržavy 19 śniežnia 2010 h.) buduć sumlennymi. Zamiest hetaha jon pasadziŭ u turmu svaich kankurentaŭ (eks-kandydataŭ u prezidenty). Heta, viadoma, zakryvaje jamu šlach da zbližeńnia ź Jeŭropaj «, — zajaviŭ Sikorski.

Ministr zamiežnych spraŭ Hiermanii Hida Viesterviele siońnia zajaviŭ, što nie stolki rasčaravany, kolki šakavany padziejami ŭ Biełarusi. Pavodle jaho słoŭ, prysudy suprać pradstaŭnikoŭ biełaruskaj apazicyi «nieapraŭdanyja, niespraviadlivyja i źjaŭlajucca palityčnym samaŭpraŭstvam Łukašenki».

Kiraŭnik rasijskaha MZS Siarhiej Łaŭroŭ u svaju čarhu zaklikaŭ biełaruskaje kiraŭnictva ŭ poŭnaj miery vykonvać mižnarodnyja abaviazalnictvy ŭ tym, što tyčycca pavahi pravoŭ i svabod čałavieka.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH