1) «Siamja i zdaroŭje» — rost adrasnych dapamoh siemjam ź dziećmi: štomiesiačnyja dapłaty na kožnaje dzicia da 16 hadoŭ u pamiery 10% spažyvieckaha biudžetu, adrasnaja dapamoha siemjam u pamiery 5 młn rubloŭ pry naradžeńni kožnaha dziciaci i biespracentovy kredyt na nabyćcio žytła pry naradžeńni druhoha dziciaci.
2) «Pavaha da pracy i dastojnyja zarobki» — admiena kantraktnaj systemy, źniaćcie biurakratyčnych barjeraŭ, rost siaredniaha zarobku da 550 eŭra za košt novych rynkaŭ, novych investycyj i ŭpor na pavyšeńnie pradukcyjnaści pracy. Cikava, što kandydat stavić zadačy rostu zarobku ŭ eŭra, a nie ŭ dalarach.
3) «Spraviadlivy zakon, adkaznaja dziaržava» — viartańnie palityčnych svabodaŭ, padziełu ŭładaŭ i niezaležnaści sudoŭ.
4) «Ekanamičnaja svaboda» — madernizacyja i raźvićcio efektyŭna pracujučych vytvorčaściaŭ, zabieśpiačeńnie 50% VUP za košt małych i siarednich pradpryjemstvaŭ.
5) «Adkrytaja kraina — adkryty śviet» — zachavańnie neŭtralnaha statusu Biełarusi, stvareńnie paŭnavartaj zony svabodnaha handlu ŭ SND, zaklučeńnie z Eŭraźviazam damovy pra partnerstva.
6) «Navuka, prahres» — rost investycyj u navuku da 850 młn eŭra ŭ hod z metaj pavyšeńnia doli vysokatechnalahičnych tavaraŭ u ahulnym abjomie pradukcyi.
7) «Nacyjanalnaje adradžeńnie» — pabudova sučasnaje dziaržavy mahčymaja, tolki kali hramadzianie vyrazna ŭśviadomiać svajo adzinstva jak nacyi. Vyrašyć hetuju prablemu moža metaskiravanaja dziejnaść dziaržavy pa adradžeńni nacyjanalnaj samaśviadomaści. Biełaruskaja mova nazyvajecca «najhałoŭniejšym srodkam samaidentyfikacyi našaha narodu», a jaje vyciaśnieńnie z užytku «pazbaŭlaje biełarusaŭ pavahi z boku inšych narodaŭ i naviešvaje na nas jarłyk niepaŭnavartaści».
