Inflacyja bje rekordy. Ceny na bolšaść praduktaŭ charčavańnia, spažyvieckija tavary i pasłuhi vyraśli, kašalki apuścieli. Ale i heta nie kraj. Što i nakolki padaražeje jašče ŭ najbližejšaj budučyni?
Miasa jeści budziem u śviaty?
Ceny na miasa padymajucca ad 25 maja. Pavodle pastanovy Ministerstva ekanomiki ad 27 krasavika 2011 № 65 «Ab cenach na sacyjalna značnyja tavary i pryznańni straciŭšymi siłu niekatorych pastanovaŭ Ministerstva ekanomiki Respubliki Biełaruś» hraničnyja maksimalnyja adpusknyja ceny na jałavičynu tušami pavialičvajucca na 10%, śvininu tušami — na 8%.
Pavieličeńnie adpusknych cenaŭ na dadzienuju katehoryju miasnoj pradukcyi inicyjavaŭ Minsielhascharč «u suviazi sa značnym rostam zakupačnych cenaŭ na bujnuju rahatuju žyviołu i śviniej».
Hetaj ža pastanovaj Minekanomiki praduhledžvaje zachavańnie rehulavańnia limitavych maksimalnych adpusknych cen na niekatoryja pradukty.
Heta chleb žytni, chleb
Uzrovień hraničnych maksimalnych adpusknych cenaŭ na nazvanyja vidy chlebabułačnych tavaraŭ, małaka i małočnych tavaraŭ zachavany na ciapierašnim uzroŭni. Limitavyja adpusknyja ceny na jałavičynu składuć 13 064 rubli za 1 kh, śvininu pieršaj i druhoj katehoryi — 10 409 rubloŭ za 1 kh, śvininu treciaj katehoryi — 9 720 rubloŭ za 1 kh.
Ceny na impartnyja leki pavialičacca adpaviedna rostu kursu dalara
Pastaŭščyki lekaŭ farmujuć ceny na asnovie ŭkaza № 366 ad 11 žniŭnia 2005 «Ab farmavańni cenaŭ na lekavyja srodki, vyraby miedycynskaha pryznačeńnia i miedycynskuju techniku».
Imparciory ŭ adzin hołas kažuć, što cana miedykamientaŭ, pa jakoj jany pastaŭlajuć ich u apteki, zaležyć ad kursu dalara, i kožnaja novaja zakupka budzie adbyvacca ŭ adpaviednaści z aficyjnym kursam dalara, ustalavanym Nacbankam.
Heta značyć, što kali siońnia ŭpakoŭka lekaŭ kaštuje 30 tysiač, to tyja ž leki z novaj partyi praź niejki čas buduć kaštavać užo kala 50 tysiač.
Jak adznačyŭ pradstaŭnik adnaho z dystrybjutaraŭ, nieabchodna mieć na ŭvazie, što miedykamienty nie zavoziacca tak časta, jak pradukty charčavańnia. Heta tavar nie štodzionnaha popytu i maje vialiki termin prydatnaści. Kožnaja partyja prachodzić unutrany łabaratorny kantrol. Heta aznačaje, što leki nie pradajucca na nastupny dzień paśla pastaŭki ŭ krainu. Tak što, chutčej za ŭsio, ceńniki ŭ aptekach na impartnyja leki abnoviacca nie raniej čym praź niekalki tydniaŭ.
Darečy, infarmacyju ab tym, što Ministerstva achovy zdaroŭja dyrektyŭna strymlivaje rost cenaŭ da niejkaj vyznačanaj ličby, ni pastaŭščyki, ni samo Ministerstva achovy zdaroŭja nie paćviardžajuć.
Daražeje prajezd u čyhunačnym transparcie
Ad 25 maja padvyšajecca cana mižnarodnaha prajezdu čyhunačnym transpartam. Prajezd u krainy SND i Bałtyi «pavysicca adekvatna pavyšeńniu kursa šviejcarskaha franka, u zachodnim kirunku — adekvatna źmienie kursu jeŭra», paviedamiŭ načalnik adździeła pasažyrskaj słužby Biełaruskaj čyhunki Uładzimir Stolar. Pry hetym jon adznačyŭ, što ceny ŭnutryrespublikanskich pieravozak nie źmianiajucca.
Pavodle słovaŭ Uładzimira Stolara, z krainami SND i Bałtyi padpisanaje pahadnieńnie ab miždziaržaŭnych čyhunačnych taryfach. Zhodna z hetym dakumientam čyhunačnaja administracyja krainy maje prava samastojna ŭstaloŭvać kaeficyjenty da taryfaŭ na bilety i płackart. 95% abjomu pasažyrskich pieravozak ź Biełarusi prypadaje na złučeńnie z Rasijaj i Ukrainaj. Apošni raz taryfy ŭ złučeńni z Rasijaj padymalisia 1 studzienia 2011.
Prajezd u haradskim transparcie pakul daražeć nie budzie?
U «Minsktransie» kažuć, što ceny jany nie padvyšajuć, a robiać heta pa rašeńni Minharvykankama. Pry hetym u «Minsktransie» śćviardžajuć, što samo pytańnie ab padvyšeńni płaty za prajezd nie ŭźnimali i nie viedajuć, kali i na kolki moža być padvyšanaja cana prajezdu.
Siońnia taryf na adnu pajezdku ŭ hramadskim transparcie Minska składaje 850 rubloŭ. Dziejničaje z 2 krasavika hetaha hoda.
Adnak užo vyrasła cana prajezdu ŭ maršrutkach.Pieravozčyki apieratyŭna adreahavali na čarhovaje padvyšeńnie koštu paliva i na šmatlikich kirunkach pavialičyli taryf na 200 rubloŭ da 2700 rubloŭ za pajezdku. Heta vierchniaja płanka, ustalavanaja dla pieravozčykaŭ Minharvykankamam jašče ŭ krasaviku.
Cana znachodžańnia ŭ dziciačych sadach pakul nie źmienicca
Siońnia za znachodžańnie dziciaci ŭ dziciačym sadzie baćki płaciać kala 60 tysiač u miesiac. Jak raskazali Naviny.by ŭ Kamitecie pa adukacyi Minharvykankama, hetaja suma pakryvaje 40% vydatkaŭ na charčavańnie dziciaci. Astatniaje, u tym liku piedahahičnyja pasłuhi — za košt dziaržavy. Asobna baćki apłačvajuć dadatkovyja zaniatki (hurtki, chareahrafiju i h.d.).
Hrašovaja norma, jakaja vydatkoŭvajecca na charčavańnie dziciaci ŭ sadku — fiksavanaja i źmianiajecca, jak pakazvaje praktyka, raz na hod. Takim čynam, možna vykazać zdahadku, što prynamsi najbližejšym časam rost cenaŭ na pradukty charčavańnia na canie znachodžańnia dziciaci ŭ sadku nie adabjecca. Adnak možna vykazać zdahadku, što niekatoryja źmieny mohuć adbycca ŭ dzietsadaŭskim mieniu. Raniej dziaciej časta karmili hrečkaj…
U VNU pakul staryja ceny
A voś cana navučańnia ŭ VNU, vidavočna, u chutkim časie znoŭ vyraście.
«Kali buduć raści ceny na tavary i pasłuhi, to buduć raści ceny i na adukacyjnyja pasłuhi. Heta vidavočna, — kazaŭ u siaredzinie maja ministr adukacyi Siarhiej Maskievič. — Ciapier ja nie baču padstavaŭ dla pavyšeńnia cen VNU. Pakolki asnoŭnym faktaram, jaki vyznačaŭ by mahčymaść źmianieńnia cen na adukacyjnyja pasłuhi, — heta źmiena staŭki pieršaha razradu, jakaja ciahnie za saboj źmianieńnie vydatkaŭ na apłatu pracy vykładčykaŭ VNU. Takich płanaŭ niama, a značyć, i padstavaŭ dla źmien pamieraŭ apłaty niama».
Z hetaha adkazu možna vykazać zdahadku, što płata za navučańnie ŭsio ž pavialičycca, tolki paźniej. U samich ža VNU adznačajuć, što ŭ siońniašnich umovach nielha z upeŭnienaściu kazać pra toje, što budzie zaŭtra, nie toje što ŭ novym navučalnym hodzie.
Kali aceńvać košt navučańnia ŭ dalaravym ekvivalencie, to praz padzieńnie kursu rubla jano navat patańnieła.Naprykład, płaciŭ student Mieduniviersiteta ŭ hod 5 430 000 rubloŭ. Jašče na minułym tydni heta było kala 1 750 dalaraŭ, siońnia — 1 100 dalaraŭ (kali ličyć pa aficyjnym kursie). Pa kursie čornaha rynku košt navučańnia budzie jašče nižejšy — krychu bolš za 900 dalaraŭ (kali za 1 dalar ličyć nie mienš za 6000 rubloŭ). U vyjhryšy, praŭda, akazvajucca tolki tyja, chto nazapašvańni na navučańnie zachoŭvaje ŭ valucie.
Mabilnyja apieratary dumu dumajuć
Apieratar mabilnaj suviazi Velcom pavysiŭ ceny na asobnyja madeli telefonaŭ jašče ŭ kancy krasavika z pryčynie taho, što jany zakuplajucca za zamiežnuju valutu. Tady načalnik adździeła markietynhu ZP «Vełkom» Dzina Cybulskaja skazała, što «na pasłuhi my pakul nie padvyšali ceny, a naadvarot, pavialičyli abjomy trafiku».
Ciapier pradstaŭniki kampanij, jakija pradstaŭlajuć pasłuhi mabilnaj suviazi, u adzin hołas ad kamientaroŭ z nahody mahčymaha pavyšeńnia cenaŭ admaŭlajucca.
Što budzie z kvartpłataj?
Urad Biełarusi nie vyklučaje mahčymaści jašče adnaho pavieličeńnia ŭ hetym hodzie koštu pasłuh ŽKH.
«Dumaju, u hetym hodzie jany pavialičacca na 5–7 dalaraŭ, choć nie vyklučana, što heta pavieličeńnie budzie mienšym», — zajaviŭ
U lutym hetaha hoda ŭžo adbyłosia pavieličeńnie taryfaŭ na pasłuhi ŽKH na 5 dalaraŭ, u tym liku 4 dalary zabiaśpiečyŭ pryrost koštu pasłuh pa linii Minenierha, 1 dalar — pa ŭsich astatnich pasłuhach ŽKH. Nahadajem, raniej Alaksandr Łukašenka daručaŭ nie padymać taryfy na ŽKH bolš jak na 5 dalaraŭ za hod. «Kali vy bačycie, što dzieści nam treba pasunuć, až da niepapularnych kamunalnych pasłuh, to adpaviednyja rašeńni mohuć być pryniatyja, ale ŭ vas jość 5 dalaraŭ», — kazaŭ Łukašenka 18 studzienia na naradzie z čalcami ŭrada.
Praŭda, jon šmat čaho kazaŭ.
Naprykład,
napiaredadni prezidenckich vybaraŭ, 17 śniežnia, Łukašenka zajaviŭ: «My siońnia majem dastatkova zołatavalutnych reziervaŭ, prykładna 6–7 młrd dalaraŭ, kab zadavolić luby popyt na valutu. Nam niama nieabchodnaści siońnia devalvavać nacyjanalnuju valutu. Pra heta kazaŭ i staršynia Nacyjanalnaha banka, i ja nie adnojčy zajaŭlaŭ pra heta. Tamu treba supakoicca i žyć, spakojna hladzieć u budučyniu.A jana, jak mnie zdajecca, u pierśpiektyvie niadrennaja».
16 krasavika Łukašenka abiacaŭ «vyraŭnać» situacyju na valutnym rynku na praciahu niekalkich dzion.
«, — śćviardžaŭ jon, adkazvajučy na pytańni žurnalistaŭ padčas respublikanskaha subotnika.Siońnia-zaŭtra-paślazaŭtra my vyraŭnajem situacyju pa valucie. Ale vy na mianie nie kryŭdujcie. Kurs — heta sprava niekalkich dzion, treba, moža być, tydzień»
Jak vyraŭnavali kurs, my viedajem. I viedajem, jakija vyniki ŭ takoj palityki.
Što pasiejali, to i žniem
Pry pavieličeńni cenaŭ źnižajecca ŭzrovień zarobkaŭ i ich adnosiny da dalara.
«Zarobki, jakija my majem i ich suadnosiny z cenami — heta toje, što moža dazvolić na siońnia naša ekanomika, — skazaŭ Naviny.by ekanamist Siarhiej Čały. —
My ŭvieś čas rabili vyhlad, što jana ŭ nas značna bolš efiektyŭnaja, što raźvivajecca lepš, čym u našych susiedziaŭ. Miž tym adbyvałasia prajadańnie budučyni z pavieličeńniem zamiežnych pazykaŭ i vykarystańniem ich dla finansavańnia biahučaha bałansu»., ličyć ekśpiert. Jon kaža, što ŭsio astatniaje «było maskiroŭkaj z pryciahnieńniem śpiecefiektaŭ». Uźnikaje pytańnie, čamu ekanomika vyjaviłasia takoj nieefiektyŭnaj. Hetaje pytańnie možna adrasavać tym, chto pravodziŭ hetuju palityku, kaža Siarhiej Čały.Ciapier zarpłaty padychodziać da ŭzroŭniu, jaki pakazvaje, nakolki efiektyŭnaja naša ekanomika
«
Sistema pracavała, pakul umovy handlu enierharesursami z Rasijaj byli vyhadnymi.Jak tolki jany pahoršylisia, tady prablema i pačała nazapašvacca. Ciapier voś usio i vybuchnuła», — skazaŭ Čały.
