Siońnia ŭ sudzie Zavodskaha rajona Minska byli vyniesienyja prysudy aktyvistam anarchisckaha ruchu
Ich vinavacili ŭ ździajśnieńni šerahu palityčnych akcyj, u pryvatnaści, u napadzie na pasolstva Rasii ŭ Minsku ŭ žniŭni 2010 hoda.
Praces nad Maksimam Vietkinym, Jaŭhienam Silivončykam, Iharam Alinievičam, Mikałajem Dziadkom i Alaksandram Franckievičam pačaŭsia 18 maja.
Ihar Alinievič asudžany na 8 hadoŭ kałonii ŭzmocnienaha režymu z kanfiskacyjaj aŭtamabila. Mikałaj Dziadok — na čatyry hady i šeść miesiacaŭ kałonii ŭzmocnienaha režymu, Alaksandr Franckievič — na 3 hady kałonii ŭzmocnienaha režymu, Maksim Vietkin budzie pakarany čatyrma hadami abmiežavańnia voli z nakiravańniem va ŭstanovu adkrytaha typu (chimija), Jaŭhien Silivončyk — 1,5 hadami abmiežavańnia voli z nakiravańniem va ŭstanovu adkrytaha typu.
Dziadok, Alinievič i Franckievič nie pryznali svajoj viny. Silivončyk i Vietkin zajavili ab svaim raskajańni.
Taksama z usich ich budzie spahnana 100 młn rubloŭ pakryćcia materyjalnaj škody (roznymi dolami).