Ułady Minska prystupili da aktyŭnych dziejańniaŭ z metaj, jak patrabavaŭ taho Alaksandr Łukašenka, źnizić ceny ŭ kramach. Akramia hetaha, handlu daručana zabiaśpiečyć poŭny asartymient tavaraŭ na palicy. Tych, chto nie vykanaje daručeńnie Minharvykankama, čakajuć «samyja žorstkija miery».Pra heta havorycca ŭ liście mera Mienska Mikałaja Ładućki na adras rajonnych administracyj i padviedamasnych upraŭleńniaŭ, tekstam jakoha vałodaje TUT.BY.
Staličny načalnik daručyŭ profilnym upraŭleńniam, jakija zajmajucca spažyvieckim rynkam, «pravieści rabotu pa źnižeńni handlovymi arhanizacyjami ŭsich formaŭ ułasnaści handlovych nadbavak nie mienš čym na 10%».
Akramia hetaha, 28 i 29 maja (heta značyć, u subotu i niadzielu) śpiecyjalistam Minharvykankama sumiesna sa staličnym centram hihijeny i epidemijałohii pradpisana ažyćciavić «sucelny manitorynh handlovaj sietki horada na pradmiet najaŭnaści poŭnaha asartymientu tavaraŭ». U vypadku niepasłušenstva ŭ dačynieńni da kiraŭnikoŭ handlovych arhanizacyj buduć prymacca «samyja žorstkija miery».
Zrešty, siarod handlovych apierataraŭ, jość i takija, na jakich ułady Minska pakłali voka bolš za miesiac tamu.
«Pracoŭnaj hrupie, stvoranaj rasparadžeńniem staršyni Minharvykankama ad 19 krasavika, pry ŭstanaŭleńni faktaŭ strymlivańnia apieratarami (TDA» Vitalur «, TAA»Tabak-Inviest «i inš) pastavak tavaraŭ u handlovuju sietku horada pryniać miery ŭździejańnia ŭ adpaviednaści z zakanadaŭstvam», havorycca ŭ liście.
Pad prycełam apynulisia i dziaržapieratary. Da 3 červienia hałoŭnaje ŭpraŭleńnie spažyvieckaha rynku Minharvykankama sumiesna z administracyjaj Zavodskaha rajona pavinny pravieści manitorynh efiektyŭnaści raboty AAT «Biełbakaleja» «pa zabieśpiačeńni pastavak tavaraŭ u handlovuju sietku i ŭnieści prapanovy pa jaje aptymizacyi».
Razam z tym, Minharvykankam vyznačyŭ pieralik apierataraŭ pa stvareńni stabilizacyjnych fondaŭ asobnych tavaraŭ. U śpis, u pryvatnaści, uvajšli «Biełbakaleja», «Biełryba», «Biełhałantierieja», «Minski kambinat chlebapraduktaŭ», «Biełhasptorh», «Miebielbudmateryjały» i inš. Zbolšaha heta dziaržaŭnyja struktury.Siarod pryvatnikaŭ achvotnych adciahnuć abarotnyja srodki na stvareńnie i padtrymańnie składskich zapasaŭ nie znajšłosia. «Kali ŭ luboj pryvatnaj kampanii budzie žadańnie ŭziać na siabie abaviazacielstvy ŭ ramkach
