Pra heta paviedamiŭ BiełaPAN sam palityk.
Pavodle słoŭ Labiedźki, 20 maja jon pavinien byŭ atrymać rašeńnie śledstva abo pra praciah rasśledavańnia kryminalnaj spravy, abo pra spynieńnie hetaj spravy. «Siońnia ŭžo 30 maja. Nijakich piśmovych paviedamleńniaŭ, nijakich dakumientaŭ ja nie atrymaŭ», — skazaŭ palityk.
Ab praciahu rasśledavańnia kryminalnaj spravy Labiedźka daviedaŭsia ad svajho advakata. «Joj paviedamili pra toje, što rasśledavańnie ŭ dačynieńni da mianie pradoŭžana. Ale paŭtarusia, što nijakich aficyjnych papier pra heta z prakuratury ja nie atrymlivaŭ», — skazaŭ lidar AHP. Jon taksama zaznačyŭ, što nie maje ŭjaŭleńnia pra toje, na jaki termin praciahnuta rasśledavańnie jaho spravy.
***
Anatol Labiedźka, davieranaja asoba kandydata ŭ prezidenty ad AHP na prezidenckich vybarach 2010 hoda Jarasłava Ramančuka, źjaŭlajecca fihurantam kryminalnaj spravy ab masavych biesparadkach u Minsku 19 śniežnia. Jon byŭ zatrymany ŭ stalicy ŭ noč z 19 na 20 śniežnia va ŭłasnaj kvatery i dastaŭleny ŭ SIZA KDB. Palityka abvinavacili va ŭčynieńni złačynstva, praduhledžanaha art. 293 Kryminalnaha kodeksa Biełarusi (masavyja biesparadki). Pakarańnie pa hetym artykule praduhledžvaje ad 5 da 15 hadoŭ pazbaŭleńnia voli.
6 krasavika Labiedźka byŭ vypuščany pad padpisku ab niavyjeździe.
Jak paviedamiŭ palityk, u pieršyja dni paśla zatrymańnia śledčyja prapanoŭvali jamu napisać «
