Praz dva miesiacy, 30 lipienia, na minskim stadyjonie «Dynama» projdzie futbolna-kancertnaje šou «Rasija – Biełaruś». Jano budzie pryśviečana 100-hodździu biełaruskaha futboła i ładzicca TAA «Raskancert» pry padtrymcy BFF i Minharvykankama
Pačniecca šou a 19-j, praciahłaść – 3,5 hadziny.
U prahramie – futbolny matč zorak estrady i futboła (2 tajmy pa 35 chvilin)
Za kamandu Rasii zhulajuć Alaksandr Ivanoŭ (hurt «Ronda»), Viktar Zinčuk, Uład Tapałaŭ, Siarhiej Minajeŭ, Siarhiej Kryłoŭ, Pjer Narcys, Rynat Dasajeŭ, Vahiz Chidyjatulin, Viktar Anopka, Dźmitryj Aleničaŭ, Fiodar Čarankoŭ dy inš.
Kolery biełaruskaj zbornaj buduć baranić: Albiert Skarachod, Siarhiej Minski, Saša Niema, Andrej Chlastoŭ, Dzimitr (eks-«Ałtantyka»), Siarhiej Štaniuk, Jury Pudyšaŭ, Ihar Hurynovič, Ludas Rumbucis dy inš.
Potym projdzie kancert udzielnikaŭ matču z žyvym hukam na vialikaj scenie, ustalavanaj kala trybuny pad tabło. Adbudziecca taksama śvietłavoje łaziernaje šou i vialiki śviatočny salut.
Vieści futbolna-kancertnaje šou buduć papularnyja rasijski i biełaruski spartovyja kamientatary Viktar Husieŭ i Pavieł Baranaŭ.
Cana kvitkoŭ ad 15 tys. da 50 tys.
