Adnoj z umoŭ vydzialeńnia Biełarusi kredytu z Antyrkyzisnaha fondu JeŭrAzES było «spynieńnie emisijnaha napaŭnieńnia ekanomiki pustymi hrašyma», zajaviŭ 9 červienia napres-kanfierencyi ŭ Minsku pasoł RF u Biełarusi Alaksandr Surykaŭ.
Pavodle jaho słoŭ, umovy vydzialeńnia kredytu składajucca z 15 punktaŭ. Akramia spynieńnia «šalonaj emisii» ŭmovaj davańnia srodkaŭ było skaračeńnie dziaržaŭnych raschodaŭ, deficytu biudžetu, vychad na adziny rynačny kurs biełaruskaha rubla, skazaŭ Surykaŭ.
Što da vychadu na adziny kurs rubla, to, jak zaznačyŭ pasoł, hetaja ŭmova ažyćciaŭlajecca. Surykaŭ, u pryvatnaści, zhadaŭ niadaŭniuju
Pryčyny kryzisu ŭ Biełarusi viadomyja i byli ahučanyja, padkreśliŭ Surykaŭ.
Adna ź ich — žyćcio nie pa srodkach.Rasijski pasoł pry hetym nahadaŭ pra admoŭny płaciežny bałans Biełarusi, jaki štohod raście.
Pavodle słoŭ Surykava, pryčyny hetaha tojacca ŭ źmianieńni ŭmoŭ pastaŭki ŭ Biełaruś rasijskaj nafty. Jon nahadaŭ, što pošliny na śvietłyja naftapradukty z 1995 hoda pastupali vyklučna ŭ biełaruski biudžet, a z 2007 hoda Biełaruś stała addavać častku pošlin Rasii. Heta, jak skazaŭ Surykaŭ, «prabiła dzirku» ŭ biełaruskim biudžecie.
Akramia taho, dadaŭ jon, pryčynaj kryzisu stała emisijnaje napaŭnieńnie ekanomiki pustymi hrašyma. «Nacbank nie ŭłaviŭ situacyju,
a heta treba było rabić užo ŭ 2007 hodzie. Potym byŭ tryvožny zvanočak u 2009 hodzie, kali adbyłasia devalvacyja rubla.I za bačnymi pośpiechami Biełaruś prahledzieła mahčymaść niepryjemnaściaŭ», — zajaviŭ Surykaŭ.
Razam z tym, jon vykazaŭ niazhodu z vykazvańniami niekatorych ekanamistaŭ ab tym, što ŭ krainie nazirajecca «suśvietny patop biełaruskaha raźlivu». «Heta ŭsio hłupstva», — skazaŭ Surykaŭ.
Jon zaznačyŭ, što treba pravilna vybudavać antykryzisnuju prahramu, vyrašyć pytańnie z pryciahnieńniem źniešnich pazyčańniaŭ, pryvatyzacyjaj dziaržułasnaści, stymulavańniem ekspartu i padumać pra skaračeńnie niekrytyčnaha impartu. «I treba sacyjalna padtrymać ludziej», — padkreśliŭ pasoł.
Šlach vychadu Biełarusi z kryzisu budzie na paradak chutčejšy, čym heta było ŭ Rasii ŭ kryzisny 1998 hod, ličyć Surykaŭ. Pry hetym jon padkreśliŭ: «Šlach pavinien być metanakiravany i razumny».
