charakternaje dla našych šyrot. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ 13 červienia na videabryfinhu ŭ Minsku.
Pavodle jaho słoŭ, 12 červienia cieraz terytoryju Biełarusi prajšoŭ atmaśfierny front, i ŭ krainu pačało pastupać chaładnavataje pavietra.
U najbližejšyja sutki prahnazujecca pieravažna biez apadkaŭ, tolki pa paŭdniovym uschodzie krainy miescami — karotkačasovyja daždžy i navalnicy. Tempieratura pavietra nočču: plus 7–14, pa paŭdniovym uschodzie krainy — da plus 17 hradusaŭ. Dniom — 20–26 hradusaŭ ciapła.
Nočču ŭ sieradu ŭ paŭnočnych rajonach, a dniom pa bolšaj častcy Biełarusi prahnazujucca karotkačasovyja daždžy,
u asobnych rajonach — navalnicy, mahčymy hrad.Tempieratura pavietra nočču — 7–14 hradusaŭ, maksimalnaja dniom — ad plus 18 hradusaŭ pa paŭnočnym zachadzie da plus 27 pa paŭdniovym uschodzie Biełarusi.
U čaćvier i piatnicu čakajucca miescami karotkačasovyja daždžy i navalnicy. Tempieratura pavietra nočču prahnazujecca plus 7–14 hradusaŭ, dniom — ad 17 pa paŭnočnym zachadzie da 27 hradusaŭ ciapła pa paŭdniovym uschodzie Biełarusi.
U vychadnyja dni charaktar nadvorja istotna nie źmienicca. U subotu na bolšaj častcy terytoryi, u niadzielu miescami prahnazujucca karotkačasovyja daždžy, u asobnych rajonach — navalnicy. Tempieratura pavietra ŭ subotu nočču — 9–16 hradusaŭ ciapła, dniom — ad plus 18 pa paŭnočnym zachadzie da 27 hradusaŭ pa paŭdniovym uschodzie krainy. U niadzielu nočču — 7–14 hradusaŭ, dniom — 20–27 hradusaŭ.
U Minsku ŭ najbližejšyja sutki čakajecca biez apadkaŭ. Tempieratura pavietra nočču — plus 9–11, dniom — 21–23 hradusy.
Jak adznačyŭ Rabaŭ, u pieršuju dekadu červienia ŭ Biełarusi ŭstanaviłasia anamalna haračaje nadvorje.
«Takoj haračaj pieršaj dekady červienia ŭ Biełarusi jašče ni razu nie było», — skazaŭ jon.
Pavodle słoŭ sinoptyka, niahledziačy na daždžy, miescami ŭ Biełarusi zachavajecca vysokaja pažaraniebiaśpieka, asabliva pa paŭdniovym uschodzie krainy. Miescami pa Bresckaj i Homielskaj abłaściach zachoŭvajecca nadzvyčajnaja pažaraniebiaśpieka, piataha kłasa. Na hetym tydni takaja situacyja zachavajecca. Sinoptyk zaklikaŭ być aściarožnymi z ahniom i pa mahčymaści nie raspalvać vohniščy.
