Miemaryjalny kamień z nadpisam «Pakutnikam za volu i niezaležnaść Biełarusi» pieraniesieny z Centralnaj płoščy Maładziečna.
Pra demantaž pomnika paviedamlaŭ 14 krasavika sajt Kraj.by. Jon znachodziŭsia na Centralnaj płoščy Maładziečna pamiž hatelem i
Ciapier miemaryjalny kamień ustalavany kala haradskoha parka Pieramohi na rahu vulic Vialiki Haściniec i Mašerava (na miescy, dzie da hetaha stajała «Biarozavaja chatka»).
Jak paviedamlaje sajt svaboda.org, kamień z nadpisam «Pakutnikam za volu i niezaležnaść Biełarusi» byŭ ustalavany ŭ 1990 hodzie, u toj čas, kali meram Maładziečna byŭ Hienadź Karpienka. Pavodle słovaŭ byłoha školnaha nastaŭnika historyi, u toj čas deputata haradskoha savieta Leanida Cimochina, pomnik źjaviŭsia dziakujučy inicyjatyvie čatyroch čałaviek. Prajekt byŭ zrobleny architektaram Juryjem Biełanovičam, mastackaje afarmleńnie — Śviatasłavam Palivodam, dyrektar zavoda žalezabietonnych vyrabaŭ budtresta № 23 Mikałaj Ivaškievič adkazvaŭ za techničnuju častku, sam Leanid Cimochin — za arhanizatarskuju.
Akramia doški z nadpisam na kamni byŭ ustalavany kryž Jeŭfrasińni Połackaj. Padčas uračystaha adkryćcia kamień byŭ aśviečany pravasłaŭnym, katalickim i unijackim śviatarami. Pavodle słovaŭ Leanida Cimochina, la kamienia była praviedziena pieršaja ŭ historyi Biełarusi sumiesnaja słužba śviataroŭ roznych kanfiesij. Pomnik staŭ adnym ź lubimych miescaŭ maładziečanskich maładych, kudy jany ŭskładali kvietki.
