U Minsku źjaviacca dvuchpaviarchovyja haražy-stajanki. Sioleta płanujecca stvaryć dva takich zbudavańni. Uźviadzieńnie adnaho ź ich užo pačałosia na vulicy Bielskaha (za skryžavańniem z vulicaj Adojeŭskaha). Druhaja stajanka źjavicca ŭ mikrarajonie Kamiennaja Horka, pobač z MKAD. Pra heta raspavioŭ Kirył Alochin, kiraŭnik adździeła budaŭnictva administracyi Frunzienskaha rajona.
— Ad šmatuzroŭnievaha parkinha haraž-stajanka budzie adroźnivacca kanstrukcyjaj, — tłumačyć Kirył Alochin. — My źbirajemsia budavać dvuchpaviarchovyja budynki.
Pieršy ŭzrovień — bietonny, druhi — ź mietałaprofila.
Budaŭnictva na vulicy Bielskaha, pa słovach śpiecyjalista, pavinna zaviaršycca sioleta. Što da stajanki ŭ Kamiennaj Horcy, to pakul praces znachodzicca na stadyi prajektnych prac. Pavodle płanu detalovaj płanoŭki rajona, jana adkryjecca ŭ nastupnym hodzie.
—
Mahčyma, budaŭnictva budzie vieścisia z pryciahnieńniem dolščykaŭ, —udakładniŭ surazmoŭca.
Na dadzieny momant administracyjaj Frunzienskaha rajona zapłanavana 700 parkavalnych miescaŭ. Košt stajanki ŭ sutki pakul nieviadomaja.
