Źmianiać strukturu biełaruskaj ekanomiki, jak heta prapanoŭvajuć niekatoryja, niemetazhodna, ličyć Alaksandr Łukašenka.
Na raźvićcio halin narodnaj haspadarki zatračvajucca niemałyja hrošy i jašče bolšyja spatrebilisia b na źmianieńni, zajaviŭ jon na
Jon padkreśliŭ važnaść sielskaj haspadarki ŭ struktury ekanomiki — jana składaje 7,5% ad usich halin narodnaj haspadarki. «Pastaŭlena zadača na praciahu piacihodki vyjści na 7–10 młrd. u zaležnaści ad cen, jakija buduć na źniešnich rynkach, a prahnazujecca, što ceny na charčavańnie padvojacca», — skazaŭ jon.
Važnaj halinoj taksama źjaŭlajecca naftachimičnaja, jakaja, pavodle słoŭ Łukašenki, składaje kala traciny ad usioj pramysłovaści. Jon nahadaŭ, što ŭ Biełarusi pracujuć dva «najmahutniejšyja» naftapierapracoŭčyja zavody i šerah naftachimičnych pradpryjemstvaŭ: u Śvietłahorsku, Hrodnie i Mahilovie. «Heta navukajomistyja vytvorčaści, jany majuć siońnia prava na žyćcio i pierśpiektyvu», — zajaviŭ Łukašenka. Źmianiać strukturu hetaj haliny kiraŭnik dziaržavy taksama ličyć niemetazhodnym.
Łukašenka adznačyŭ značeńnie lasnoj haliny. Lasy, pavodle jaho słoŭ, składajuć 35% terytoryi krainy. «U nas jość papiarovaja i lasnaja drevaapracoŭčaja pramysłovaść. Mała, ja zhodzien. Tamu ja pryniaŭ rašeńnie ab budaŭnictvie novych pradpryjemstvaŭ u hetaj śfiery: Škłoŭskaja papiarovaja fabryka, madernizavana Druhaja škłoŭskaja papiarovaja fabryka «, — skazaŭ Łukašenka. Jon paviedamiŭ, što madernizavanaja fabryka budzie zdadziena 3 lipienia. Na joj buduć vyrablać survetki, jakija raniej impartavali.
Łukašenka nahadaŭ, što ŭ Biełarusi pačali budavać celułozny kambinat, kitajski bok vydzieliŭ na heta kredyt u 700 młn. dołaraŭ. «My ŭ hetym kirunku ruchajemsia, my poŭnaściu drevaapracoŭku madernizavali, my budujem šeść ci siem drevaapracoŭčych kambinataŭ», — skazaŭ prezident.
Razam z tym, adznačyŭ jon, pašyreńnie vykarystańnia lasoŭ zapatrabuje značnych srodkaŭ. Tolki adzin
