Biełaruś i jašče šeść krain, jakija nie ŭvachodziać u ES, pahadzilisia pravieści stres-testy svaich AES.Ab hetym havorycca ŭ dekłaracyi, jakuju pradstaŭniki Armienii, Charvatyi, Rasii, Šviejcaryi, Turcyi, Ukrainy i Biełarusi padpisali ŭ prysutnaści jeŭrakamisara pa enierhietycy Hiuntera Etynhiera.
Infarmacy pra heta raspaŭsiudziła Jeŭrakamisija.
Kamientujučy padzieju, Etynhier nazvaŭ padpisańnie dekłaracyi «vialikim supolnym krokam napierad» jak dla ES, tak i dla krain-susiedziaŭ.
Zhodna z dakumientam, krainy pratestujuć ŭłasnyja AES z dapamohaj pracedur, raspracavanych Jeŭrasajuzam.
Taksama była ŭzhodniena mahčymaść praviadzieńnia aceńvańnia vynikaŭ testaŭ niezaležnymi ekśpiertami ź inšych krain.
Nahadajem, što 1 červieni Jeŭrapiejski Sajuz pradstaviŭ krytery stres-testaŭ dla AES dla abmierkavańnia krainam-partnioram u Jeŭropie.
Kryteryi praduhledžvajuć, što ŭ ramkach praviadzieńnia stres-testaŭ pavinna być nadadziena asablivaja ŭvaha techničnaj hatoŭnaści AES supraćstajać pryrodnym kataklizmam: ziemlatrusam i pavodkam.
Nahadajem taksama, što na dadzieny momant u krainach ES prachodziać stres-testy na abjektach jadziernaj enierhietyki. Takaja nieabchodnaść źjaviłasia ŭ suviazi z avaryjaj na AES «Fukusima-1» u Japonii paśla razburalnych ziemlatrusu i cunami, jakija adbylisia ŭ siaredzinie sakavika.