Siońnia ŭnačy palitviaźnia Źmitra Daškieviča etapiravali ŭ kałoniju ŭ Horkach.Ab hetym stała viadoma ad paplečnicy Źmitra Nasty Pałažanki i jaho advakata, jakija siońnia, 24 červienia, pryjechali ŭ Žodzina z metaj naviedać Źmitra ŭ SIZA.
Pieršapačatkova płanavałasia, što pieravod u Horki adbudziecca nie raniej za 29 červienia. Pryčyna niečakanaha načnoha etapiravańnia nieviadomaja.
Nahadajem, što lidara niezarehistravanaha «Maładoha Fronta» Źmitra Daškieviča zatrymali 18 śniežnia 2010 hodu, za dzień da prezidenckich vybaraŭ, źvinavaciŭšy ŭ złosnym chulihanstvie. U kancy sakavika 2011 hodu adbyŭsia sud u vyniku jakoha Daškievič atrymaŭ 2 hady źniavoleńnia. Mižnarodnyja i biełaruskija pravaabarončyja arhanizacyi paličyli praces palityčna matyvavanym. Paśla suda Daškievič utrymlivaŭsia ŭ «Vaładarcy» i žodzinskim SIZA. Na dziejańni administracyi apošniaha pisaŭ skarhi, u tym liku i ŭ Hienprakuraturu.
0
0
0
0
0
0
