Akramia łahieru admarozkaŭ i prezidenta ŭ nas jość jašče adzin dziŭny stały palityčny akcior. Niejki adnosna nie typovy piersanaž u čynoŭnickim haremie, jaki farmalna byccam nie źviazany z hetkimi marazmami režymu jak palityčnyja reprieśsii.
Skałaciŭšyja za časy Łuki kapitały, buržuiny i mandaryny bačać u im kandydata na rolu tutejšaha Chuana Karłasa – hišpanski manarch, jaki vyvieŭ krainu z dyktatury Franka. Pryčym Burbon za čas transición nie dapuściŭ začystak i lustracyj frankaŭskaj elity z boku byłoj apazicyi.
Historyja śviedčyć, što ničoha z tych aśpiracyj nie atrymlivajecca. Pakul Łukašenka ( jaki nie lubić zanadta jaskravych asobaŭ) nie prapiša tamu čynoŭniku piendziela z Karła Marksa 38, toj nie pačnie lapić ź siabie biaćku biełaruskaj demakratyi i hihanta dumki.
Adnak tak ci inakš ‑ asoba ź imidžam patencyjnaha tranzistra isnuje, navat kali jon sam hetaha nie žadaje.
Jašče ŭčora im ličyŭsia Sidorski – dia jaho źviartaŭsia Kazulin z prapanovaj zachapić uładu.
Adnak pakul Sidorski buduje ź siabie dalokaha ad palityki «silnoho choziajstvieńnika» niečakana ŭ jaho źjaviŭsia kankurent.
Śpič vice‑śpikiera Siamaški ŭ mienskim aerapartu nabyŭ hetki rezanas, što zabiaśpiečyŭ jamu usienarodnuuju viadomaść i navat simpatyi – zaraz być antyimpierylistam vielmi papularna.
Siamaška «zaśviaciŭsia», parušyŭšy manapoliju baćki na prysutnaść u ŚMI. Bzik, jaki nie prabačajecca. Takim čynam ciapier vice‑priemjeru adziny šlach: u kandydaty na post prezidenta!
