U apošnija dni červienia nadvorje ŭ Biełarusi budzie farmiravać cykłon z centram nad poŭdniem Ukrainy,paviedamiła načalnik adździeła mietearałahičnych prahnozaŭ Respublikanskaha hidramieteacentra Ludmiła Parašuk.
Paŭnočny viecier pastupova źmienicca ŭschodnim, i ŭ krainu pačnie pastupać bolš ciopłaja pavietranaja masa. Na bolšaj častcy terytoryi Biełarusi projduć daždžy, čakajucca navalnicy. U načny čas pa paŭdniovym uschodzie prahnazujucca mocnyja daždžy. Pa paŭdniova-zachodniaj pałavinie respubliki paryvy vietru ŭzmocniacca da 15-18 mietraŭ za siekundu. Tempieratura pavietra ŭ načny čas nie pieravysić plus 11-18 hradusaŭ.
Udzień budzie 20-26 hradusaŭ ciapła.
Anałahičny charaktar nadvorja zachavajecca 29 i 30 červienia. Maksimalnaja tempieratura pavietra ŭdzień 29 červienia ŭ paŭnočnych rajonach dasiahnie 27-29 hradusaŭ ciapła.
Pieršyja dni lipienia čakajecca farmiravańnie i ŭtvareńnie cykłonu na poŭdni Bałtyki. Takaja blizkaść atmaśfiernaha vichru znoŭ abumović na značnaj častcy terytoryi Biełarusi daždžy. Miescami prahrymiać navalnicy. Tempieratura pavietra ŭ načny čas składzie 12-18 hradusaŭ ciapła.
U noč na 3 lipienia budzie chaładniej - plus 7-13 hradusaŭ.
Maksimalnaja tempieratura pavietra ŭdzień 1 lipienia składzie plus 17-23 hradusy, 2 lipienia - ad 14 hradusaŭ ciapła na zachadzie da 25 hradusaŭ vyšej za nul na poŭnačy,
a 3 lipienia chaładnavataje pavietra raspaŭsiudzicca na ŭsiu terytoryju krainy,u siaredzinie dnia tempieratura pavietra składzie plus 14-21 hradus.