Supracoŭniki pravaachoŭnych orhanaŭ Biełarusi ŭ dzień 3 lipienia nie buduć rasceńvać apładysmienty udzielnikaŭ masavych hulańniaŭ jak parušeńnie pravaparadku ŭ tym vypadku, kali jany buduć adrasavanyja vieteranam vajny i biełaruskim vajskoŭcam, zajaviŭ namieśnik načalnika HUUS Mienharvykankama — načalnik milicyi hramadskaj biaśpieki Ihar Jaŭsiejeŭ.
«Kali heta buduć apładysmienty našym vieteranam i vajskoŭcam, to, viadoma, apładziravać možna», — zajaviŭ I. Jaŭsiejeŭ u paniadziełak na
Jahonyja słovy cytuje ahienctva «Interfaks».
Takim čynam jon adkazaŭ na pytańnie žurnalistaŭ pra toje, jak milicyja źbirajecca reahavać na apładysmienty, jakija hučać ad ludziej na vulicach i ci majuć namier supracoŭniki pravaachoŭnych orhanaŭ razhladać ich jak prajavu pratestavych nastrojaŭ.
Sa svajho boku, pieršy namieśnik načalnika hałoŭnaha ŭpraŭleńnia achovy pravaparadku i prafiłaktyki — načalnik upraŭleńnia achovy pravaparadku MUS Biełarusi Ivan Kubrakoŭ adznačyŭ, što milicyja ŭmieje adroźnivać udzielnikaŭ niedazvolenaj hramadzianskaj akcyi ad tych, chto prosta hulaje pa vulicach i płoščach stalicy.
«Voś mienavita takim čynam raspaznajecca: ci staić tłum, jaki zaminaje prachodu hramadzian», — skazaŭ jon, adkazvajučy na pytańnie ab tym, pa jakich prykmietach milicyja vyłučaje z tłumu ludziej, što hulajuć, mienavita tych, chto pryjšoŭ na niedazvolenuju akcyju.
Minsk, 22 červienia, Jeŭraradyjo
Minsk, 22 červienia.
Jaŭsiejeŭ u formie.
Jaŭsiejeŭ «vychoŭvaje» žurnalista.