Nacbank Biełarusi źniziŭ kurs dołara ZŠA na 4 rubli — da 4.938 rubloŭ 4

4 lipienia tarhi pa dołary ZŠA na Biełaruskaj valutna-fondavaj biržy nie pravodzilisia. Heta abumoŭlena śviatočnym i vychadnym dniom u ZŠA.

Adnak Nacyjanalny bank Biełarusi, jaki ŭstanaŭlivaŭ aficyjnyja kursy valut na 5 lipienia, źniziŭ kurs dołara ZŠA na 4 rubli — da 4.938 rubloŭ.

Pavodle danych Biełaruskaj valutna-fondavaj biržy, u tarhach rasijskim rublom udzielničała 26 bankaŭ. Kurs vyras na 0,17 rubla i skłaŭ 177,60 rubla. Abjom tarhoŭ skłaŭ 782 młn. 524 tys. rasijskich rubloŭ (popyt — 787 młn. 381 tys., prapanova — 782 młn. 524 tys.).

U tarhach jeŭra ŭdzielničali 23 banki. Abjom tarhoŭ skłaŭ 5 młn. 527 tys. jeŭra (popyt — 5 młn. 527 tys., prapanova — 1 młn. 201 tys.), a kurs nie źmianiŭsia i skłaŭ 7.174 rubli za jeŭra.

U adnosinach da valutnaha košyka (dołar ZŠA, jeŭra, rasijski rubiel) biełaruski rubiel nie źmianiŭsia ŭ paraŭnańni z papiarednim značeńniem: košt košyka na 5 lipienia skłaŭ 1.846,12 rubla.

Z pačatku hoda kurs biełaruskaha rubla da valutnaha košyka źniziŭsia na 75,04%. Pry hetym da dołara ZŠA kurs źniziŭsia na 64,60%, da rasijskaha rubla — na 80,41%, da jeŭra — na 80,60%.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH