U pieršym kvartale biahučaha hoda Rasii pavinny być nakiravany prapanovy pa apłacie ŭsich pasłuh, jakija jana atrymlivała ŭ Biełarusi biaspłatna, pačynajučy ad vajennych abjektaŭ i zaviaršajučy tranzitam. Ab hetym zajaviŭ siońnia prezident Biełarusi Alaksandr Łukašenka na naradzie pa pytańniach zabieśpiačeńnia krainy enierhanośbitami.
«Ja daloki ad taho, kab nahniatać abstanoŭku. Ale kali ŭ Rasii, zachlipajučysia ad naftadołaraŭ i inšych pastupleńniaŭ valuty, vyrašyli adyhracca na Biełarusi i pastavili nas va ŭmovy raboty horšyja, čym Hiermaniju i inšyja jeŭrapiejskija krainy, davajcie paprosim Rasijskuju Fiederacyju ‑ takuju bahatuju i vializnuju ‑ zapłacić nam za našy pasłuhi», ‑ padkreśliŭ prezident.
Alaksandr Łukašenka nie vyklučyŭ, što Biełaruś moža pastavić pierad Rasijskaj Fiederacyjaj pytańnie ab apłacie tranzitu nafty praz respubliku, ziamli, jakaja vykarystoŭvajecca pad nafta- i hazatruby, a taksama pytańnie ab ułasnaści Rasijskaj Fiederacyi ŭ Biełarusi.
«My pierad Rasijaj čystyja na 100 pracentaŭ, my zrabili ŭsio, što jany chacieli. Nastaŭ čas zapatrabavać ad Rasii vykanać svaje abiacańni. Kali hetaha niama - to my majem prava taksama mieć svabodu dziejańniaŭ», - padkreśliŭ kiraŭnik dziaržavy siońnia na naradzie pa pytańniach zabieśpiačeńnia krainy enierhanośbitami.
