Ruski PEN-centr «aburany represiŭnaj palitykaj biełaruskich uładaŭ»

«My aburany represiŭnaj palitykaj biełaruskich uładaŭ i zaklikajem kaleh va ŭsim śviecie uźniać hołas pratestu suprać padaŭleńnia asnoŭnych svabod u Biełarusi»,

 — havorycca ŭ zajavie Ruskaha PEN-centra, raźmieščanaj na sajcie rasijskaha adździaleńnia hetaj suśvietnaj arhanizacyi piśmieńnikaŭ.

«My taksama zaklikajem urad Rasii stroha rehłamientavać ekanamičnyja pryvilei, što dajucca režymu Łukašenki, i pastavić ich u pramuju zaležnaść ad vykanańnia pravoŭ čałavieka biełaruskimi ŭładami», — padkreślivajecca ŭ zajavie.

Jak zaznačajuć členy arhanizacyi, «apošnim časam ź Biełarusi pastajanna prychodziać paviedamleńni ab žorstkim nasilli nad tymi, chto sprabuje tak ci inakš vykazać svaju dumku ab palitycy ŭładaŭ.

Viadoma, što svaboda słova ŭ hetaj krainie padaŭlena daŭno».

Byli asudžany piśmieńniki i žurnalisty Uładzimir Niaklajeŭ, Iryna Chalip, Pavieł Sieviaryniec, Alaksandr Fiaduta, Dźmitryj Bandarenka i inšyja, kanstatujecca ŭ zajavie.

«Zaraz razmova ŭžo navat nie pra svabodu słova, ale pra svabodu žestu

(zabarony apładysmientaŭ), pra prava prosta znachodzicca na vulicach Minska. Niemahčyma abyjakava hladzieć, jak mažnyja supracoŭniki biaśpieki ŭčatyroch-upiacioch nakidvajucca, źbivajuć i zaciahvajuć u „varanki“ biezabaronnych žančyn i starych, jakija ŭsiaho tolki padazrajucca ŭ niazhodzie z palitykaj Łukašenki. My, piśmieńniki Rasii, vykazvajem svajo spačuvańnie i padtrymku ŭsim, chto źviedvaje nasille ŭ Biełarusi», — havorycca ŭ zajavie.

Pad dakumientam padpisalisia členy vykankama Ruskaha PEN-centra, viadomyja piśmieńniki Andrej Bitaŭ, Alaksiej Simanaŭ, Leŭ Cimafiejeŭ, Juna Moryc, Alaksandr Haradnicki, Ludmiła Ulickaja, Ihar Ircieńjeŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH