Łatarejny biznes u Biełarusi pajšoŭ na spad. Prynamsi, heta datyčycca dźviuch najbujniejšych hulniaŭ — «Supierłato» i «Vašaha łato». «Naša Niva» paraŭnała, kolki biletaŭ ŭdzielničała ŭ rozyhryšach sioleta, letaś, a taksama ŭ 2009 hodzie. Za ŭvahu bralisia červieńskija hulni.
Vaša Łato
2009 — 234 000*
2010 — 185 000
2011 — 130 000
Supierłato
2009 — 403 000
2010 — 315 000
2011 — 232 000
*kolkaść biletaŭ akruhlałasia da tysiačy
Takim čynam, za dva hady kolkaść udzielnikaŭ hulni skaraciłasia ledź nie ŭdvaja!
Dla «Supierłato» padzieńnie papularnaści skłała 42%, a dla «Vašaha łato» — 45%.Inšymi słovami, u 2009 hodzie ŭ štotydniovych rozyhryšach «Supierłato» i «Vašaha łato» ŭdzielničali 640 tysiač biletaŭ, ciapier — usiaho 360 tysiač.
Situacyja častkova tłumačycca źjaŭleńniem novych elektronnych łatarej, takich, jak, naprykład, «Kiena» ci «Sportłato». Na žal, adsačyć kolkaść ich ihrakoŭ niemahčyma — łatareja nie paviedamlaje ahulnyja ličby rozyhryšu. Razam z tym,
kampanija «Sportpary» na łatarejnym rynku ŭsio jašče zastajecca aŭtsajderam.Naprykład, siaredni pamier pryzavych hrošaj rozyhryšaŭ «Sportłato» za tydzień składaje kala 40–50 miljonaŭ rubloŭ u toj čas jak «Supierłato» vypłačvaje ihrakam kala 600 miljonaŭ rubloŭ
***
Nahadajem, što
łatarejny biznes u Biełarusi znachodzicca całkam pad kantrolem dziaržavy.Zasnavalnikam «Supierłato» źjaŭlajecca Ministerstva sporta i turyzma Biełarusi, a «Vašaha łato» — RUP «Biełaruskija łatarei» Kiraŭnictva spravami prezidenta.
ZAT «Sportpary», u svaju čarhu, pravodzić rozyhryšy «Sportprahnoz», «Sportłato» i «Kiena». Akcyjanierami hetaj kampanii źjaŭlajucca Prezidencki spartyŭny kłub Dźmitryja Łukašenki, a taksama PUP «BT Telekamunikacyi» i STAA «Dziełavaja sietka», jakija naležać miljanieru Uładzimira Piefcijeva. Mienavita suprać «Sportpary» byli ŭviedzienyja sankcyi Jeŭrasajuza.