Aficyjny kurs dołara ZŠA 13 lipienia 2011 hoda ŭpieršyniu pieraadoleŭ adznaku 5.000 rubloŭ, dasiahnuŭšy ŭzroŭniu 5.004.
Biez uliku denaminacyj 1994 i 2000 hadoŭ kurs skłaŭ 50.040.000 rubloŭ.
Pa stupieni abiasceńvańnia nacyjanalnaj valuty da amierykanskaha dołara (z 1991 hoda) Biełaruś zastajecca lidaram siarod krain byłoha SSSR, pra što śviedčyć praviedzieny BiełaPAN analiz najaŭnych aficyjnych valutnych kursaŭ biez uliku hrašovych reform.
Za Biełaruśsiu ŭ pieršaj piaciorcy raźmiaścilisia Turkmienistan — 7.125.000, Uźbiekistan — 1.719.970, Hruzija — 1.676.700 i Ukraina — 797.140.
Dalej iduć Tadžykistan — 467.490, Armienija — 73.720, Kazachstan — 73.070, Azierbajdžan — 39.320, Rasija — 28.384, Małdova — 11.541, Kyrhyzstan — 9.060.
Zamykajuć śpis dziaržavy Bałtyi: Litva — 247,83, Estonija — 111,96, Łatvija — 100,6. Kurs dołara ŭ samaabvieščanaj Prydniastroŭskaj Małdaŭskaj Respublicy, jakaja maje ŭłasnuju valutu, biez uliku denaminacyi składaje 10.400.000 rubloŭ.
Takim čynam, biełaruskaja valuta abiasceniłasia ŭ adnosinach da amierykanskaha dołara ŭ 7 razoŭ bolš, čym valuta Turkmienistana, u 29,1 razu — Uźbiekistana, u 29,8 razu — Hruzii, u 62,8 razu — Ukrainy, u 107 razoŭ — Tadžykistana, u 679 razoŭ — Armienii, u 685 razoŭ — Kazachstana, u 1.273 razy — Azierbajdžana, u 1.763 razy — Rasii, u 4.336 razoŭ — Małdovy, u 5.523 razy — Kyrhyzstana, u 201.913 razoŭ — Litvy, u 446.945 razoŭ — Estonii i ŭ 497.416 razoŭ bolš, čym valuta Łatvii. U vypadku z Prydniastroŭjem hetyja suadnosiny składajuć 4,8 razu.
Adnaho miljona biełaruskich rubloŭ (biez uliku denaminacyj) aficyjny kurs dołara dasiahnuŭ 17 śniežnia 1998 hoda, 5 młn. — 11 maja 2000 hoda, 10 młn. — 12 vieraśnia 2000 hoda, 15 młn. — 26 kastryčnika 2001 hoda, 20 młn. — 3 krasavika 2003 hoda, 22 młn. — 13 śniežnia 2008 hoda, 26 młn. — 2 studzienia 2009 hoda, 30 młn. — 26 sakavika 2010 hoda, 31 młn. — 17 maja 2011 hoda, 49 młn. — 24 maja 2011 hoda.
