20 lipienia zamiest sustrečy sa Źmitrom Daškievičam u Horackaj kałonii Nasta Pałažanka daviedałasia, što jaje žanich znoŭ źmieščany ŭ karcar, paviedamlaje pres-słužba Maładoha Frontu.
Nasta pajechała ŭ Horackuju kałoniju, kab pavinšavać Źmitra ź jahonym 30-hodździem. Adnak načalnik kałonii A.Kavaloŭ nie dazvoliŭ spatkańnia na padstavie taho, što Pałažanka Daškieviču «nichto».
Ad šarahovych supracoŭnikaŭ kałonii Nasta daviedałasia, što Źmicier Daškievič znachodzicca ŭ karcary, ź jakoha vyjdzie 25 lipienia. Paźniej hety fakt paćvierdziŭ i načalnik kałonii Kavaloŭ.
Nieŭzabavie ŭ Pałažanki i Daškieviča adbudziecca viasielle. Pakul maładyja nie mohuć raśpisacca, bo pašpart Daškieviča znachodzicca ŭ KDB.
Usie achvotnyja mohuć pavinšavać Źmitra Daškieviča z dniom naradžeńnia, adpraviŭšy list, paštoŭku ci telehramu na adras: vuł. Dabralubava, 16, VK-9 (karancin), 213410, h. Horki, Daškieviču Źmitru Viačasłavaviču.
0
0
0
0
0
0
