U «prahramach» sacyjalnaj sietki «Vkontaktie» źjaviłasia novaja prapanova — ciapier kožny z karystalnikaŭ sietki moža ŭstalavać virtualny abmieńnik sabie na staronku.
U prahramy «Prokopovič», u adroźnieńnie ad sajta, jość novaja funkcyja — razam z abjavaj pa prodažy valuty možna ŭbačyć i staronku pradaŭca, i takim čynam daviedacca, z kim daviadziecca pravodzić ździełku. Kaniečnie, takim čynam vyjavić pradaŭcoŭ budzie praściej nie tolki dla pakupnikoŭ, ale i dla aficyjnych strukturaŭ. Ź inšaha boku, niebiaśpieka nie budzie bolšaj, čym pry prodažy valuty praz sajt — svaje kantakty tak ci inakš tam pakidać davodziłasia.
Zaraz «Prakapovič» nabraŭ užo piać tysiač udzielnikaŭ, z ulikam taho što novaja viersija prajekta tolki źjaviłasia — heta zusim niebłahi vynik. Kurs dalara na «pieršym sacyjalnym abmieńniku» varjirujecca ad 6000 da 6500 rubloŭ i supadaje z kursam na sajcie. Chutčej za ŭsio kolkaść klijentaŭ i pradaŭcoŭ «abmieńnika» značna pavialičycca ŭ bližejšy čas — rekłamnaja akcyja «Prakapoviča» «Vkontaktie» ŭžo paśpiachova viadziecca: badaj što kožny karystalnik ź Biełarusi bačyŭ u rekłamnym błoku źleva ad svajoj staronki fotazdymak byłoha staršyni Nacbanka.
Dałučycca da «prahramy» možna tut
