Śledčym adździełam prakuratury Minska zaviedziena kryminalnaja sprava pa č. 2 art. 139 KK pa fakcie žorstkaha zabojstva dvaich bamžoŭ.
Jak paviedamiŭ staršy pamočnik prakurora horada Siarhiej Bałašoŭ, złačynstva było ździejśniena kala 22.30 19 lipienia na terytoryi zakinutaha dziciačaha sadka na Partyzanskim praśpiekcie. Troje minčan, dvum pa 14 hadoŭ, adnamu — 20, adpačyvali tut z ałkaholem u žanočaj kampanii. Vypraŭlajučy adnu ź dziaŭčat, sutyknulisia z dvaimi bamžami — mužčynam i žančynaj, što siadzieli na bardziury. Žančyna paprasiła ŭ maładoj kampanii zakuryć, na hlebie čaho adbyłasia svarka.
Pravioŭšy siabroŭku, trojca viarnułasia ŭ dziciačy sadok, u adnym z pamiaškańniaŭ jakoha i žyli bamžy. Moładź pačała ździekavacca ź ich. Spačatku da nieprytomnaści źbili mužčynu, zatym prymusili žančynu raspranucca i ździejśnili ź joj «hvałtoŭnyja dziejańni seksualnaha charaktaru». Paśla čaho
Moładź pakinuła miesca złačynstva, adnak praź niekatory čas starejšy z kampanii sam patelefanavaŭ u milicyju i skazaŭ, što zabiŭ čałavieka. Usie padazravanyja zatrymanyja.
Ab ŭzroście paciarpiełych ničoha nie paviedamlajecca.
