«Asinaje hniazdo» (Nid de guêpes)
Dzie: Pieršy kanał (BT)
Kali:Aŭtorak, 9 studzienia, 22:10
Pra što: Elen Labary 30 hadoŭ, jana ahient elitnych vojskaŭ. Joj dali zadańnie supravadžać Abdena Neksepa, ŭpłyvovuju postać u albanskaj mafii. Hety niebiaśpiečny złačynca vinavacicca ŭ stvareńni šyrokaj sietki prastytucyi i musić stać pierad eŭrapiejskim sudom.
Ale najmity-zabojcy ź jahonaj arhanizacyi ładziać unočy zasadu, kab vyzvalić svajho šefa, ale Labary i jaje ludziam udajecca ŭciačy ad ich razam sa źniavolenym i schavacca ŭ składzkim anhary ŭ vialikaj industryjalnaj zonie. Tam jany sutykajucca z bandaj, jakaja prabrałasia ŭ anhar, kab skraści kamputarnaje abstalavańnie. I ŭ hety samy čas anhar biaruć u abłohu hałavarezy Neksepa…
Što kažuć: Heta pieršy za ŭvieś čas francuski bajavik, jaki pierakonvaje, što nadziei Luka Besona na paśpiachovuju kankurencyju z Halivudam nie biespadstaŭnyja.
Nadziva mocny bajavik, jaki padčas u pakazie bojek i stralaniny roŭny «Šarahoŭcu Rajanu», a časam vyklikaje asacyjacyi ź filmami kaśmičnaj tematyki — nastolki daskanałyja technična asobnyja epizody. Słaboje miesca tradycyjnaje dla filmaŭ takoha žanru — u niadoŭhich pierapynkach miž sutyčkami hieroi vymušanyja pakazvać padabienstva čałaviečych adnosinaŭ, čaho dastatkova prymityŭny scenar paprostu nie vyciahvaje.
Režyser: Flaran-Emilija Siry (Florent-Emilio Siri).
U rolach: Samy Naceri, Benoît Magimel, Nadia Farès i inš.