U rehijonach udzielniki akcyj taksama źbiralisia na centralnych rynkach haradoŭ.
13:36
Da zhadanych vyšej troch maładych ludziej dałučylisia jašče troje. Roŭna a 13:30 jany syšli.
Zatoje pierad krytym rynkam pačynajuć kancentravacca ŭdzielniki tradycyjnych akcyj pratestu, u tym liku i žančyny-frontaŭki. Z krytaha i siezonnaha rynkaŭ da ich vychodziać milicyjaniery i asoby ŭ cyvilnym.
13:26
Pa ŭsim pierymietry ŭvachodaŭ u kryty rynak stajać ludzi z kamierami i asoby ŭ cyvilnym.
13:20
Na krytym rynku zaŭvažanyja try čałavieki -- udzielniki akcyi. Jany hurtujucca razam. Pavodle ich acenak, u maŭklivaj akcyi pratestu na Kamaroŭcy biare ŭdzieł usiaho kala 20 čałaviek. Ale jany stajać paasobku la kijoskaŭ i nie paznajuć adzin druhoha.
13:12
Na zakupy pryjechaŭ časova pavierany ŭ spravach ZŠA ŭ Biełarusi Majkł Skenłan razam z dvuma supracoŭnikami amierykanskaha pasolstva.
12:56
Na Kamaroŭcy pakul usio spakojna. Patencyjnych udzielnikaŭ pakul nie vidno.
Praŭda, stajać dva aŭtobusiki ź ludźmi ŭ čornym z nadpisam milicyja na śpinach. Za niekalki chvilinaŭ da mierkavanaha pačatku akcyi jany kuplali marožanaje i kvas.
Na samim uvachodzie ŭ siezonny rynak staić hrupa ludziej u cyvilnym na čale z pałkoŭnikam Iharam Jaŭsiejevym.
Cichary taksama stajać na 2-m paviersie krytaha rynku, ahladajuć navakolle.
***
U paniadziełak byŭ apublikavany płan udzielnikaŭ supołki «Revalucyi praz sacyjalnuju sietku» na hetuju sieradu. Pačatak zapłanavany na 13:00.
Maderatary supołki zaklikajuć ludziej prychodzić na centralnyja rynki svaich haradoŭ. «Prychodzim na rynak, znachodzim zakrytyja handlovyja kropki. Spačatku ich budzie niamnoha, ale niekalki zaŭsiody možna znajści. Staim kala ich, nibyta čakajučy adkryćcia. Praz paŭhadziny akcyja skončanaja. Kali ŭłady buduć začyniać rynki, to źbirajemsia la hałoŭnaha ŭvachoda. U metach biaśpieki — nie chłopajem», — pišuć arhanizatary.
«My razumiejem, što mnohija ŭ hety čas znachodziacca na pracy. U vypadku pośpiechu budziem pravodzić akcyi ŭ suboty», — ličać maderatary supołki.
Paviedamlajecca, što arhanizatary viaduć pieramovy z pradprymalnikami, kab jany padtrymali akcyju. Ź inicyjatyvaj pradprymalnickaha strajku pa sieradach vystupiŭ niadaŭna adzin ź lidaraŭ drobnych handlaroŭ Viktar Harbačoŭ.
Pryvodzicca taksama śpis rynkaŭ abłasnych centraŭ. Što datyčyć rajonaŭ, to tam zaklikajuć prychodzić da najbolšaha rečavaha rynku.
***
Akcyi maŭklivych pratestaŭ pačalisia 1 červienia. Jany achapili nie tolki Minsk, ale i rehijony. Na akcyju 22 červienia ŭ stalicy vyjšła niekalki tysiač čałaviek, u abłasnych centrach było la tysiačy.
Tym nie mienš, paśla ŭžyvańnia ŭłady fizičnaj siły suprać demanstrantaŭ (aryštaŭ, źbićcia), kolkaść udzielnikaŭ pačała źnižacca. Arhanizatary šukali inšyja varyjanty akcyj, ale vyjści na raniejšy ŭzrovień bolš nie atrymlivałasia.
U minułuju sieradu da Kastryčnickaj płoščy vyjšła niekalki socien čałaviek, pry hetym što Płošča ačeplenaj nie była.
